قىتاي حالىق رەسپۋبليكاسى مەملەكەتتىك قىزمەتكە قابىلداۋ جاسىنا قاتىستى شەكتەۋدى وزگەرتتى. جاڭارتىلعان ءتارتىپ بويىنشا مەملەكەتتىك قىزمەتكە ۇمىتكەرلەر ءۇشىن جوعارعى جاس شەگى 35 جاستان 38 جاسقا دەيىن كوتەرىلدى. ال ماگيسترلىك نە دوكتورلىق دارەجەسى بار ازاماتتار ءۇشىن بۇل مەجە 40 جاستان 43 جاسقا دەيىن ۇلعايتىلدى, دەپ حابارلايدى Egemen.kz China Daily-گە سىلتەمە جاساپ.
2026 جىلى قىتايدىڭ ورتالىق مەملەكەتتىك ورگاندارى مەن ولارعا باعىنىستى قۇرىلىمدارعا بارلىعى 38 100 جاڭا قىزمەتكەر قابىلداۋ جوسپارلانعان. بۇل كورسەتكىش وتكەن جىلمەن سالىستىرعاندا 1 602 ادامعا از, ياعني 2019 جىلدان بەرگى العاشقى قىسقارتۋ بولماق.
سوعان قاراماستان, ەل بيلىگى جاس مامانداردى جۇمىسقا تارتۋعا ەرەكشە نازار اۋدارىپ وتىر. ۇسىنىلعان بوس ورىنداردىڭ شامامەن 26 مىڭعا جۋىعى سوڭعى جىلدارى جوعارى وقۋ ورنىن تامامداعان تۇلەكتەرگە ارنالعان.
ماماندىق يەلەرىنىڭ جاس شەگىن كەڭەيتۋ جونىندەگى شەشىم قىتايدىڭ زەينەت جاسىن كەزەڭدەپ ارتتىرۋ باعىتىمەن ۇندەس.