Qazaq Air (Vietjet Qazaqstan) اۋە كومپانياسى استانادان بىشكەك پەن سامارقاندتقا تىكەلەي ەكى جاڭا حالىقارالىق باعىت اشىپ جاتىر. ورتالىق ازياداعى باعىتتارىن كەڭەيتۋ باستاماسى قر پرەزيدەنتىنىڭ تۇركى ەلدەرى اراسىنداعى بايلانىستاردى دامىتۋ ارقىلى ءتۋريزمدى, ساۋدانى, ءبىلىم بەرۋ مەن مادەني ىنتىماقتاستىقتى كۇشەيتۋ جونىندەگى ستراتەگيالىق باستاماسىمەن ۇندەس كەلەدى, دەپ حابارلايدى Egemen.kz.
كولىك مينيسترلىگىنىڭ مالىمەتىنشە بيىلعى 7 قاراشادان باستاپ استانا – سامارقاند – استانا باعىتى بويىنشا (اپتاسىنا 2 رەت – جۇما جانە جەكسەنبى), ال 10 قاراشادان باستاپ استانا – بىشكەك – استانا (اپتاسىنا 2 رەت – دۇيسەنبى جانە بەيسەنبى) باعىتى بويىنشا تىكەلەي رەيستەر ورىندالادى.
استاناداعى حاب ارقىلى اۋە كومپانياسى جولاۋشىلارعا بىشكەككە, سامارقاندقا, ومبىعا, نوۆوسىبىرگە, سونداي-اق قازاقستاننىڭ ءتۇرلى وڭىرلەرىنە ىڭعايلى رەيستەردى ۇسىنادى.
جاڭا اۋە باعىتتار ايماقتىڭ ىسكەرلىك, تۋريستىك جانە مادەني بايلانىستارىن دامىتۋعا مۇمكىندىك بەرەتىن بولادى.