پرەزيدەنت قاسىم-جومارت توقاەۆ پارلامەنتتىك رەفورما جونىندەگى جۇمىس توبىنىڭ ءبىرىنشى وتىرىسىندا زاڭ شىعارۋ پروتسەسىن جەتىلدىرۋ جانە كاسىبيلىكتى ارتتىرۋدىڭ ماڭىزدىلىعىن اتاپ ءوتتى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى زاڭ شىعارۋ جۇمىسىن جاقسارتۋدىڭ جاڭا تەتىكتەرىن ەنگىزۋ قاجەتتىگىن ايتىپ, مۇنى حالىقارالىق تاجىريبە دە كورسەتىپ وتىرعانىن جەتكىزدى.«بۇل رەتتە بولاشاق دەپۋتاتتار كورپۋسىنىڭ ءبىلىمى مەن بىلىگى ماڭىزدى فاكتورعا اينالادى. ولاردىڭ قاتارىندا ناعىز كاسىبي ماماندار بولۋى كەرەك. پارلامەنت كاسىبي بولۋعا ءتيىس. بۇل – وتە ماڭىزدى مىندەت. پارلامەنتتى پروپورتسيالىق جۇيەمەن, ياعني پارتيالىق تىزىممەن جاساقتاۋ تۋرالى ۇسىنىس ءدال وسى مىندەتتەن تۋىنداپ وتىر. ءبىر پالاتالى پارلامەنتتە پارتيالاردىڭ كوپ بولۋى ساياسي ديالوگتى كاسىبي نەگىزدە وربىتۋگە ىنتالاندىرادى», دەدى پرەزيدەنت.سونداي-اق مەملەكەت باسشىسى جاڭا جاعدايدا پارتيا جۇمىسىنا تىڭ تالاپتار قويىلاتىنىن ايتتى.
«دەمەك پوپۋليزم تسيفرلاندىرۋ كەزەڭىندە ماڭىزدى ءرول وينامايدى, كەرىسىنشە, كاسىبيلىكتىڭ ءباسى جوعارىلاي تۇسەدى», دەدى قاسىم-جومارت توقاەۆ.