2025 جىلعى 1 قازانعا دەيىنگى دەرەكتەرگە سۇيەنسەك, ەلىمىزدە 607,3 مىڭ ادام جۇمىسقا ورنالاسقان. ولاردىڭ ىشىندە 269,1 مىڭى جۇمىسپەن قامتۋدىڭ بەلسەندى باعدارلامالارىنا قاتىسقان, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, مەملەكەت تاراپىنان سۋبسيديالاناتىن جۇمىس ورىندارى ارقىلى 153,6 مىڭ ازامات ەڭبەككە تارتىلعان. ونىڭ ىشىندە 12,7 مىڭى الەۋمەتتىك جۇمىس ورىندارىنا, 21,5 مىڭى جاستار پراكتيكاسىنا, 96,6 مىڭى قوعامدىق جۇمىستارعا قاتىسقان. «كۇمىس جاس» جوباسى شەڭبەرىندە 17 مىڭ ادام ەڭبەككە ارالاسسا, «العاشقى جۇمىس ورنى» باعدارلاماسى بويىنشا 5,6 مىڭ جاس تاجىريبە جيناقتاۋدا. سونداي-اق, «ۇرپاقتار كەلىسىمشارتى» باستاماسى ارقىلى 241 ادام تۇراقتى جۇمىسقا ورنالاستى.
«ەڭبەك نارىعىنداعى سۇرانىسقا يە داعدىلار بويىنشا ونلاين وقىتۋمەن 53 مىڭ جۇمىسسىز قامتىلدى, ونىڭ ىشىندە 49,1 مىڭى وقۋدى اياقتادى. «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 45,6 مىڭ ادام قامتىلدى, ونىڭ ىشىندە 25,9 مىڭ ادام وقۋدى اياقتاپ, سەرتيفيكاتتار الدى. جۇمىس بەرۋشىلەردىڭ ءوتىنىشى بويىنشا كاسىپتىك وقىتۋعا 8 075 ادام جىبەرىلدى, ونىڭ ىشىندە 2 541 ادام وقۋدى اياقتادى. وقۋدى اياقتاعاننان كەيىن 1 065 ادام جۇمىسقا ورنالاستى. بۇدان باسقا, قىزمەت سالاسىن تاڭداۋ ماقساتىندا كاسىپتىك ورتالىقتاردا 304,3 مىڭ ادام الەۋمەتتىك كاسىپتىك باعدارلاۋدان ءوتىپ, كەڭەس بەرۋ قىزمەتتەرىن الدى», دەلىنگەن حابارلامادا.
ايتا كەتەيىك, ازاماتتاردىڭ ناقتى جۇمىسقا ورنالاسۋى مىندەتتى زەينەتاقى جارنالارىنىڭ اۋدارىلۋىمەن راستالادى. بيىل جۇمىسپەن قامتىلعانداردىڭ 153,6 مىڭى مەملەكەتتىك باعدارلامالار ارقىلى, 142 مىڭى ەلەكتروندى ەڭبەك بيرجاسى ارقىلى, 283 مىڭى پرەزيدەنتتىڭ «10 مىڭ تۇرعىنعا 100 جۇمىس ورنى» باستاماسى اياسىندا, ال 28,7 مىڭى مەملەكەتتىك ورگانداردىڭ جوبالارى بويىنشا جۇمىسقا تۇرعان.
سونىمەن قاتار, الەۋمەتتىك وسال توپتاردى قولداۋ ماقساتىندا جاڭا بيزنەس-باستامالارعا 400 ايلىق ەسەپتىك كورسەتكىشكە دەيىنگى (1 572 800 تەڭگە) قايتارىمسىز گرانتتار بەرىلۋدە. 2025 جىلعى 1 قازانعا دەيىن رەسپۋبليكا بويىنشا 8 964 ازامات وسىنداي گرانتقا يە بولعان.