الماتىدا پوليتسەيلەر ەسىرتكى ساتۋ جانە تاراتۋمەن اينالىسقان ءۇش قىلمىستىق توپتى قۇرىقتادى, دەپ حابارلايدى Egemen.kz.
«بيىلعى جىلدىڭ توعىز ايىندا الماتى پوليتسياسىنىڭ بولىمشەلەرى 500-دەن استام ەسىرتكى قىلمىسىن انىقتاپ, 525 كەلىدەن استام ەسىرتكى, ونىڭ ىشىندە 52 كەلى سينتەتيكالىق ەسىرتكى جانە 3 توننادان استام بك-4 پرەكۋرسورلارى تاركىلەندى. قىلمىستىق ءىس-ارەكەت ارقىلى مەملەكەت پايداسىنا جالپى سوماسى 255 ميلليون تەڭگەدەن استام اقشا مەن م ۇلىك الىنعان», دەدى الماتى قالالىق ءىىد باستىعىنىڭ ءبىرىنشى ورىنباسارى قۋاتبەك ناۋاتوۆ.
سونىمەن قاتار ەكى ەسىرتكى زەرتحاناسىنىڭ قىزمەتى توقتاتىلىپ, ەسىرتكى ساتۋمەن جانە تاراتۋمەن اينالىسقان ءۇش قىلمىستىق توپ جويىلعان.
پوليتسيا قىزمەتكەرلەرى زاماناۋي تسيفرلىق تەحنولوگيالاردى بەلسەندى تۇردە قولدانادى. ۇلتتىق بانك جانە مادەنيەت جانە اقپارات مينيسترلىگىمەن بىرلەسىپ جۇرگىزىلگەن جۇمىس ناتيجەسىندە بيىل ەسىرتكىنىڭ زاڭسىز اينالىمىنا قاتىسى بار 1500 وتاندىق جانە 5000-نان استام شەتەلدىك بانك كارتاسى, سونداي-اق 312 كريپتوۆاليۋتا ءامياندارى انىقتالىپ, بۇعاتتالعان.
جالپى سوماسى 68 ميلليون تەڭگەنى قۇرايتىن كۇدىكتى بانك وپەراتسيالارى توقتاتىلىپ, ەسىرتكى تاراتۋ ءۇشىن پايدالانىلعان 2200 ينتەرنەت-رەسۋرس بۇعاتتالدى. ونىڭ 27-ءسى Telegram ارناسى.