سولتۇستىك ماكەدونيا قۇراماسىنىڭ باس باپكەرى بلاگويا ميلەۆسكي بەلگيامەن وتكەن سەنساتسيالىق تەڭ ويىننان (0:0) كەيىن جانە الداعى قازاقستانعا قارسى ماتچ قارساڭىندا پىكىر ءبىلدىردى, دەپ حابارلايدى Egemen.kz
— قورعانىستاعى ويىنىمىزعا كوڭىلىم تولادى, بىراق ۇيىمداستىرۋ جاعى اقساپ تۇر. بۇل كەزدەسۋدەن ماكسيمۋم ناتيجە الدىق, دەگەنمەن باستاپقى جوسپارىمىز — دوپتى كوبىرەك يەمدەنىپ, شابۋىلدا بەلسەندى ويناۋ بولاتىن. ارينە, قارسىلاس تا ءوز اسەرىن تيگىزدى. بەلگيا قۇراماسىنىڭ جارتىلاي قورعاۋشىلارى وتە مىقتى. ءبىز ءبىرىنشى ورىندى ساقتاپ قالعانىمىزعا قۋانىشتىمىز. ەندى بار نازارىمىزدى كەلەسى ويىنعا — قازاقستانعا قارسى ماتچقا اۋدارۋىمىز كەرەك, — دەدى ميلەۆسكي.
ايتا كەتەيىك, سولتۇستىك ماكەدونيا مەن قازاقستان اراسىنداعى ماتچ 13 قازاننان 14 قازانعا قاراعان ءتۇنى سكوپە قالاسىندا وتەدى.