اۋعانستاندا Instagram, Facebook جانە Snapchat الەۋمەتتىك جەلىلەرىنىڭ جۇمىسىنا شەكتەۋ ەنگىزىلدى, دەپ حابارلايدى Egemen.kz.
NetBlocks دەرەگىنە سۇيەنسەك, پلاتفورمالارعا بىرنەشە ءىرى پروۆايدەر دەڭگەيىندە توسقاۋىل قويىلعان.
ەستەرىڭىزگە سالا كەتەيىك, 29 قىركۇيەكتە NetBlocks اۋعانستاندا تاليباننىڭ «ادامگەرشىلىكتى قامتاماسىز ەتۋ» شارالارىنا بايلانىستى ينتەرنەتتىڭ تولىق وشىرىلگەنىن حابارلادى.
بۇل رەتتە بۇۇ اۋعانستاننىڭ سىرتقى الەمنەن وقشاۋلانعانىن مالىمدەپ, مۇنداي قادام حالىقتىڭ ومىرىنە, ەكونوميكاسىنا جانە گۋمانيتارلىق جاعدايعا اۋىر زارداپ تيگىزەتىنىنە الاڭداۋشىلىق بىلدىرگەن. بايلانىس بولماۋى حالىقارالىق اقشا اۋدارىمدارىن توقتاتىپ, اۋە رەيستەرىن شەكتەپ جانە توتەنشە قىزمەتتەردىڭ جۇمىسىنا كەدەرگى كەلتىرگەن.
الايدا اۋعانستاندا ينتەرنەت قىزمەتى 48 ساعات ىشىندە قايتا قالپىنا كەلدى. بىراق بيلىك وكىلدەرى ەلدە ادەيى بۇعاتتاۋ جاسالعانىن جوققا شىعارىپ, ماسەلەنى ەسكىرگەن تالشىقتى-وپتيكالىق كابەلدەردىڭ اۋىستىرىلۋىمەن تۇسىندىرگەن.