قازاندا «وتباسى بانك» باسپانا كەزەگىندەگىلەرگە پاتەر تاراتۋدى باستايدى

حابارلامانى قالاي الۋعا بولادى؟

تۇرعىن ءۇيدى بولۋگە قاتىسۋ ءۇشىن ازاماتتار بىرنەشە ماڭىزدى قادامدى الدىن الا ورىنداۋى قاجەت.

جەكە دەرەكتەردى وڭدەۋگە كەلىسىم بەرۋ

بۇل – بارلىق قاتىسۋشىلار ءۇشىن مىندەتتى تالاپ.

كەلىسىمدى راسىمدەۋ ءۇشىن:

orken.otbasybank.kz سايتىنا كىرۋ كەرەك; ەتسق (ەلەكتروندىق تسيفرلىق قولتاڭبا) ارقىلى جۇيەگە كىرۋ قاجەت; كەلىسىم ماتىنىمەن تانىسىپ, ءتيىستى بەلگىنى قويۋ كەرەك; «ەتسق ارقىلى قول قويۋ» باتىرماسىن باسۋ قاجەت.

ەگەر ونلاين راسىمدەۋ كەزىندە قيىندىق تۋىنداسا, ازاماتتار حقك-داعى نەمەسە «وتباسى بانك» بولىمشەلەرىندەگى وزىنە-ءوزى قىزمەت كورسەتۋ ايماقتارىنا بارىپ, مامانداردىڭ كومەگىنە جۇگىنە الادى.

2. تەلەفون ءنومىرىن ءموبيلدى ازاماتتار بازاسىندا تەكسەرۋ

SMS-حابارلاما تەك ازاماتتىڭ جسن-ىنا تىركەلگەن تەلەفون نومىرىنە عانا كەلەدى. ەگەر ءنومىر ەسكىرگەن نەمەسە تىركەلمەگەن بولسا, حابارلامانى جىبەرىپ الۋ قاۋپى بار.

مالىمەتتەردى تەكسەرۋ جانە جاڭارتۋ ەكى جولمەن جۇزەگە اسادى:

eGov.kz پورتالىنداعى جەكە كابينەت ارقىلى (ەتسق كومەگىمەن);

ارنايى سىلتەمە ارقىلى جسن ەنگىزىپ, ءنومىردى جاڭارتۋ ءۇشىن:

eGov.kz سايتىندا نەمەسە eGov Mobile قوسىمشاسىندا اۆتوريزاتسيادان ءوتىڭىز; پروفيل بولىمىندە تەلەفون ءنومىرىن تەكسەرىڭىز;

قاجەت بولسا, ونى وزگەرتىپ, 1414 نومىرىنەن كەلەتىن SMS-كود ارقىلى راستاڭىز.

راستالعاننان كەيىن جاڭا ءنومىر ءسىزدىڭ جسن-ىڭىزعا رەسمي تۇردە تىركەلەدى جانە بارلىق حابارلامالار ءدال وسى نومىرگە كەلىپ تۇسەدى.

پاتەرلەردى ءبولۋ قاشان باستالادى؟

قازىر «وتباسى بانك» جەرگىلىكتى اتقارۋشى ورگاندارمەن دايىن تۇرعىن ۇيلەردى بەرۋ تۋرالى كەلىسىمدەر جاساسۋدا. وسى كەزەڭ اياقتالعان سوڭ, پاتەرلەردى ءبولۋ كەزەڭى باستالادى.

تۇرعىن ۇيلەر ەكى باعىت بويىنشا ۇسىنىلادى:

جالدامالى تۇرعىن ءۇي – ساتىپ الۋ مىندەتتەمەسىنسىز; نەسيەگە بەرىلەتىن تۇرعىن ءۇي – جىلدىق 2,5% مولشەرلەمەمەن جانە 10% باستاپقى جارنامەن.

پاتەر الۋشىلار قالاي انىقتالادى؟

ۇمىتكەرلەر پاتەرگە كەزەككە قويىلعان كۇنىنە جانە تابىس دەڭگەيىنە قاراي ىرىكتەلەدى. ەگەر تابىس تۋرالى مالىمەتتەر راستالماسا نەمەسە ەسكىرىپ كەتسە, ىرىكتەۋگە قاتىسۋ مۇمكىندىگى شەكتەلەدى.

كەزەكتەگىلەردى ەسەپكە الۋدىڭ جاڭا جۇيەسى

2025 جىلعى 24 مامىردان باستاپ تۇرعىن ۇيگە كەزەك جۇرگىزۋ مىندەتى تولىقتاي «وتباسى بانككە» بەرىلدى. بۇعان دەيىن بۇل فۋنكتسيا جەرگىلىكتى اكىمدىكتەردىڭ قۇزىرىندا بولعان. ەندى بارلىق دەرەكتەر orken.otbasybank.kz پلاتفورماسىندا بىرىڭعاي بازاعا بىرىكتىرىلگەن.

قازىرگى تاڭدا تۇرعىن ءۇي كەزەگىندە شامامەن 1 ميلليون ادام تۇر: 650 مىڭ ادام – اكىمدىكتەردەن بەرىلگەن مالىمەتتەر; 300 مىڭعا جۋىق ادام – بانك جۇيەسى ارقىلى جاڭادان تىركەلگەندەر.

ازاماتتار ءۇشىن بۇل نەنى بىلدىرەدى؟

كەزەكتەگىلەردى ەسەپكە الۋدىڭ ورتالىقتاندىرىلعان ەلەكتروندى جۇيەسىنە كوشۋ تۇرعىن ءۇي ءبولۋ پروتسەسىن اشىق ءارى ىڭعايلى ەتەدى. ازاماتتار ءوز وتىنىمدەرىنىڭ مارتەبەسىن ونلاين باقىلاپ, پاتەر ءبولۋ تۋرالى حابارلامالاردى ۋاقىتىلى الا الادى.

كوپتەگەن ازاماتتار ءۇشىن بۇل — كوپتەن كۇتكەن باسپاناعا قول جەتكىزۋدىڭ ناقتى قادامى بولماق.