وسىعان دەيىن ءبىز قاراشا ايىندا يتاليانىڭ استاناسى – ريمدە World Boxing (WB) كونگرەسسى ءوتىپ, سول جەردە جاڭا پرەزيدەنتىنىڭ سايلاناتىنىن جازعانبىز, دەپ جازادى Egemen.kz.
ول كەزدە ۇمىتكەرلەر سانى ۇشەۋ ەدى. ولار – قازاقستاننىڭ ايگىلى كاسىپقوي بوكسشىسى, ەلىمىزدىڭ ۇلتتىق وليمپيادا كوميتەتىنىڭ پرەزيدەنتى گەننادي گولوۆكين, گرەكيانىڭ بوكس قاۋىمداستىعىنىڭ جەتەكشىسى حاريس ماريوليس جانە ۋكراينانىڭ اتاقتى سپورتشىسى ۆلاديمير كليچكو.
بارلىعى دا سول ۇيىمنىڭ باسشىلىق قىزمەتىنەن دامەلى بولعان. بىراق كۇنى كەشە عانا كليچكونىڭ رايىنان قايتقانى بەلگىلى بولدى. ول باق وكىلدەرىنە بەرگەن سۇحباتىندا ريمدەگى كونگرەسستە سايلاۋعا تۇسپەيتىنىن رەسمي تۇردە مالىمدەدى. بۇل GGG-ءنىڭ جەڭىسكە جەتۋى ءۇشىن تاماشا مۇمكىندىك!