اتىراۋ قالاسىنىڭ اكىمدىگى تۇرعىنداردى «جۇگىرۋ فەستيۆالى» تۋرالى فەيك اقپاراتقا سەنبەۋگە شاقىردى, دەپ حابارلايدى Egemen.kz.
«اتىراۋ قالاسىنىڭ اكىمدىگى 15 قازان كۇنى وتەدى دەپ الەۋمەتتىك جەلىلەردە تاراعان «جۇگىرۋ فەستيۆالى» تۋرالى اقپاراتتىڭ شىندىققا سايكەس كەلمەيتىنىن حابارلايدى. اتالعان ءىس-شارانى ۇيىمداستىرۋشىلار قر قولدانىستاعى زاڭناماسىنا سايكەس قوعامدىق ورىنداردا بۇقارالىق ءىس-شارا وتكىزۋگە جەرگىلىكتى اتقارۋشى ورگانداردان رۇقسات الماعان. جارنامالاردا قاتىسۋ اقىسى 5000 تەڭگە دەپ كورسەتىلگەن. بۇل ازاماتتاردى شاتاستىرۋى مۇمكىن», دەپ حابارلادى اكىمدىكتىڭ ءباسپاسوز قىزمەتى.
جەرگىلىكتى اكىمدىك قالا تۇرعىندارىنا ساق بولۋدى, بەيتانىس تۇلعالارعا اقشا اۋدارماۋ مەن تەك رەسمي دەرەككوزدەرگە سەنۋدى ەسكەرتى.
«رۇقسات ەتىلگەن ءىس-شارالار تۋرالى اقپارات اكىمدىكتىڭ رەسمي ارنالارى ارقىلى قوسىمشا حابارلاناتىن بولادى», دەپ مالىمدەدى اكىمدىك ءباسپاسوز قىزمەتىنەن.