اقش-تىڭ دوپينگكە قارسى اگەنتتىگى (USADA) UFC-ءدىڭ بۇرىنعى ەكى دۇركىن چەمپيونى كونور ماكگرەگورعا قاتىستى شەشىمىن جاريالادى. UFC جۇلدىزى ءۇش رەت بيولوگيالىق ۇلگىلەردى تاپسىرماعاندىقتان, وعان 18 ايلىق ديسكۆاليفيكاتسيا تاعايىندالدى, دەپ حابارلايدى Egemen.kz.
ەرەجەگە سايكەس, UFC سپورتشىلارى كەز كەلگەن ۋاقىتتا ورنالاسقان جەرى تۋرالى تولىق ءارى ناقتى مالىمەت بەرۋگە مىندەتتى. بۇل تالاپ الدىن الا ەسكەرتۋسىز سىناما الۋ مۇمكىندىگىن قامتاماسىز ەتەدى. ماكگرەگور 2024 جىلى ءۇش رەت, ياعني 13 ماۋسىمدا, 19 جانە 20 قىركۇيەكتە بيولوگيالىق ۇلگىلەرىن تاپسىرماعان.
ايتا كەتەرلىگى, ماكگرەگور تەرگەۋ كەزىندە تولىق ىنتىماقتاستىق ورناتىپ, كىناسىن مويىنداعان. ونىڭ اشىقتىعى مەن جاعدايىن ەسكەرە وتىرىپ, ۇيىم ستاندارتتى 24 ايلىق جازانى التى ايعا قىسقارتقان.
وسىلايشا, ماكگرەگوردىڭ ديسكۆاليفيكاتسيا مەرزىمى 2024 جىلدىڭ 20 قىركۇيەگىنەن باستالىپ, 2026 جىلدىڭ 20 ناۋرىزىندا اياقتالادى.