Telegram مەسسەندجەرىنىڭ نەگىزىن قالاۋشى پاۆەل دۋروۆ الماتى وبلىسىنداعى كولساي سۋىنا شومىلىپ جاتقان بەينەجازباسىن جاريالادى, دەپ جازادى Egemen.kz.
بۇل وقيعاعا بايلانىستى «كولساي كولدەرى» مەملەكەتتىك ۇلتتىق تابيعي پاركىنىڭ وكىلى مالىمدەمە جاسادى.
– كولساي كولدەرىندە شومىلۋ تۋريستىك مارشرۋتتىڭ تولقۇجاتىنا سايكەس قاتاڭ تۇردە تىيىم سالىنعان. وسى جاعدايعا بايلانىستى پارك باسشىلىعى قىزمەتتىك تەكسەرۋ جۇمىستارىن باستادى. ونىڭ قورىتىندىسى بويىنشا ءتيىستى باقىلاۋدى قامتاماسىز ەتپەگەن جاۋاپتى قىزمەتكەرلەرگە تارتىپتىك شارالار قولدانىلادى, - دەپ حابارلادى ۇلتتىق تابيعي پاركىنەن.