«قايرات» فۋتبول كلۋبىنىڭ شابۋىلشىسى داستان ساتپاەۆ قازاقستان قۇراماسىنىڭ الداعى ويىندارىنا نە سەبەپتى قاتىسپايتىنى بەلگىلى بولدى, دەپ حابارلايدى Egemen.kz.
الماتىلىق «قايرات» كومانداسىنىڭ شابۋىلشىسى داستان ساتپاەۆ 2026 جىلعى الەم چەمپيوناتىنىڭ ىرىكتەۋ كەزەڭىندەگى قازان ايىنداعى ماتچتاردا قازاقستان قۇراماسىنا قومەكتەسە المايدى. رەسمي مالىمەت بويىنشا, فۋتبولشى جاراقات العان.
جەكسەنبى كۇنى ساتپاەۆ «جەتىسۋعا» قارسى وتكەن كەزدەسۋدە تولىق 90 مينۋت الاڭدا بولىپ, ءتىپتى گول دا سوققان ەدى.
كلۋبتىڭ ارداگەرى قۇرالبەك ورداباەۆ بۇل جاعدايعا قاتىستى پىكىر ءبىلدىردى:
«سوڭعى ماتچ الدىندا داستان ءوزىن جايسىز سەزىنگەن, بىراق كومانداعا كومەكتەسكىسى كەلىپ, ەشكىمگە ءتىس جارماعان. سوعان قاراماستان, ول تولىق ويىن وتكىزىپ, گول سوقتى. بىراق ماتچتان كەيىن اۋىرسىنۋ كۇشەيىپ, مەديتسينالىق شتابقا جۇگىنۋگە ءماجبۇر بولدى. تەكسەرۋ كەزىندە سول جاق جامباس بۇلشىقەتىندە شامامەن ءتورت سانتيمەترگە جۋىق ءىسىنۋ, ءسىڭىردىڭ سوزىلۋى جانە ميكروجارىقتار انىقتالدى. بۇل جاس اعزا ءۇشىن ۇلكەن جۇكتەمە, سوندىقتان دارىگەرلەر وعان كلۋب بازاسىندا قالىپ, قالپىنا كەلۋ كۋرسىنان ءوتۋدى ۇسىندى», دەيدى ول.
قۇراما ساپىنا چەمپيوندار قاتارىنان تەك دامير كاسابۋلات قانا قوسىلدى.
ايتا كەتەيىك, الەم چەمپيوناتىنا ىرىكتەۋ كەزەڭىندە J توبىنىڭ تۋرنيرلىك كەستەسىندە تارتىس قىزا ءتۇستى. قازىر كوش باسىندا 5 ماتچتان كەيىن 11 ۇپاي جيناعان سولتۇستىك ماكەدونيا, ەكىنشى ورىندا — 4 ويىننان 10 ۇپاي جيناعان بەلگيا, ال ءدال سونداي ۇپايمەن 5 ماتچ وتكىزگەن ۋەلس ءۇشىنشى ورىندا.
قازاقستان قۇراماسى 5 ويىندا 3 ۇپاي جيناپ, ءتورتىنشى ساتىدا تۇر. ال بارلىق بەس ماتچتا جەڭىلگەن ليحتەنشتەين تۋرنير كەستەسىن تۇيىندەپ تۇر.