پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىن جاڭعىرتۋ شارالارى قارالدى, دەپ حابارلايدى Egemen.kz.
«مەملەكەت باسشىسىنىڭ تاپسىرماسى بويىنشا مىندەتتى الەۋمەتتىك مەديتسينالىق ساقتاندىرۋ جۇيەسىن جاڭعىرتۋ قولعا الىندى. ءتيىستى جۇمىس ءجۇرىپ جاتىر. ول مەديتسينالىق كومەكتىڭ قولجەتىمدىلىگى مەن ساپاسىن ارتتىرۋعا مۇمكىندىك بەرەدى», دەپ اتاپ ءوتتى پرەمەر-مينيستر.
ۇكىمەتىڭ ءباسپاسوز قىزمەتىنىڭ مالىمدەۋىنشە وسى ماقساتتار ءۇشىن بيىل شىلدە ايىندا ءمامس جۇيەسىن جەتىلدىرۋگە باعىتتالعان زاڭ قابىلداندى. ول مەديتسينالىق كومەكتىڭ بىرىڭعاي پاكەتىنە جانە ساقتاندىرۋ مودەلىنە كەزەڭ-كەزەڭىمەن كوشۋدى قامتاماسىز ەتەدى. زاڭ كورسەتىلەتىن قىزمەتتەردىڭ اياسىن كەڭەيتىپ, ساپاسىن ارتتىرۋمەن قاتار, بۇكىل دەنساۋلىق ساقتاۋ سالاسىنىڭ ۇزاقمەرزىمدى قارجىلىق ورنىقتىلىعىنا وڭ اسەرىن تيگىزەدى.