11-15 قازان كۇندەرى ءۇندىستاننىڭ بحۋبانەشۆار قالاسىندا ۇستەل تەننيسىنەن ازيا بىرىنشىلىگى وتەدى. بۇل جارىستا قۇرلىقتىڭ ۇزدىك سپورتشىلارى باس قوسىپ, كوماندالىق جانە جەكە سىنداردا باق سىنايدى, دەپ حابارلايدى Egemen.kz.
ۇلتتىق وليمپيادالىق كوميتەتتىڭ حابارلاۋىنشا, چەمپيوناتقا بانگلادەشتەن باستاپ جاپونياعا دەيىنگى 20-دان استام مەملەكەت سپورتشىلارى جينالادى. ولاردىڭ ىشىندە قىتاي, كورەيا, يران, سينگاپۋر سىندى مىقتى قۇرامالار دا بار.
قازاقستان اتىنان ەرلەر كومانداسىندا كيريلل گەراسيمەنكو, الان قۇرمانعاليەۆ, ايدوس كەنجىعۇلوۆ, ەسكەندىر حاركي مەن سانجار جۇبانوۆ ونەر كورسەتەدى. ايەلدەر قۇرامىندا زاۋرەش اقاشەۆا, سارۆينوز ميركاديروۆا, انەل باقىت, جانەركە كوشكىمباەۆا جانە البينا جاقسىلىقوۆا ەل نامىسىن قورعايدى.