اباي وبلىسىندا «تازا قازاقستان» ەكولوگيالىق اكتسياسى اياسىندا پوليتسيا دەپارتامەنتى, ەتنو-مادەني بىرلەستىكتەر مەن ۇكىمەتتىك ەمەس ۇيىمداردىڭ وكىلدەرى, جاس بەلسەندىلەر بىرىگىپ, قالا شەتىندەگى «سەمەي – استانا» تاسجولى بويىن قوقىستان تازارتتى.
تازالىق شاراسىنا شىققان ازاماتتار قورشاعان ورتانى قورعاۋعا ۇلەس قوسىپ, ەكولوگيالىق مادەنيەتتى قالىپتاستىرۋدىڭ جارقىن ۇلگىسىن كورسەتتى.
– «تازا قازاقستان» ەكولوگيالىق اكتسياسى – مەملەكەت باسشىسىنىڭ باستاماسىمەن جۇزەگە اسىپ جاتقان يگى ىستەردىڭ ءبىرى. بۇگىنگى اكتسياعا 50-دەن اسا ادام قاتىسىپ, بەلسەندىلىك تانىتتى. قالا تازالىعى – ورتاق مىندەتىمىز. بارشا تۇرعىنداردى تابيعاتتى ايالاۋعا, وسىنداي ءىس-شارالارعا بەلسەنە قاتىسۋعا شاقىرامىز, – دەدى «شىعىس جاستارى» قوعامدىق قورىنىڭ اتقارۋشى ديرەكتورى ءالىبي ءابدىرايىموۆ.
وڭىردە بۇكىلحالىقتىق اكتسياعا جىل باسىنان بەرى 282 381 ادام, ونىڭ ىشىندە 13 585 ۇيىم مەن مەكەمە وكىلدەرى قاتىستى. جۇمىسقا 8 558 تەحنيكا جۇمىلدىرىلدى. ناتيجەسىندە, 157 072 اۋلا تازالانىپ, 49 467 توننا قاتتى تۇرمىستىق قالدىقتار قوقىس پوليگوندارىنا شىعارىلدى. 2 443 ساياباق پەن گۇلزار تازارتىلىپ, 1 001 ەسكەرتكىشتىڭ اينالاسى اباتتاندىرىلدى, 10 285 شارشى مەتر تاسجول جوندەلدى. 50 201 كوشەت, 7 883 شىبىق وتىرعىزىلدى. سەنبىلىكتەر 16 811 الەۋمەتتىك, وندىرىستىك نىساندى, سونداي-اق 2 287 جاساندى سۋ قويماسىن قامتىدى. ەكولوگيالىق اكتسيا الداعى ۋاقىتتا دا جالعاسىن تابارى ءسوزسىز.
اباي وبلىسى