پاۆلودار وبلىسىنداعى قالاتۇز كولىندە ارتەميا شايانىنىڭ جۇمىرتقالارىن زاڭسىز ءسۇزىپ جۇرگەن ءۇش ازامات قولعا ءتۇستى. براكونەرلەر تابيعاتقا 83 ملن تەڭگەدەن استام زالال كەلتىرگەن, دەپ حابارلايدى Egemen.kz.
«زايسان-ەرتىس وبلىسارالىق باسسەيندىك بالىق شارۋاشىلىعى ينسپەكتسياسى» رمم-ءنىڭ پاۆلودار وبلىسى بويىنشا بالىق ينسپەكتسيا ءبولىمى مەن وبلىستىق مامانداندىرىلعان تابيعات قورعاۋ پروكۋراتۋراسىنىڭ قىزمەتكەرلەرى رەيد بارىسىندا زاڭ بۇزعان جەرگىلىكتى ءۇش تۇرعىندى انىقتادى. ولار اققۋلى اۋدانىنداعى قالاتۇز كولىندە ارتەميا سالينا شايانىنىڭ جۇمىرتقالارىن زاڭسىز وندىرگەن.
- تەكسەرۋ ناتيجەسىندە جالپى سالماعى 7 065 كگ بولاتىن 157 قاپ مولشەرىندە دايىندالعان ارتەميا جۇمىرتقالارى تابىلدى. الدىن الا ەسەپ بويىنشا كەلتىرىلگەن زالال كولەمى 83 338 740 تەڭگەنى قۇرايدى, - دەپ حابارلادى «زايسان-ەرتىس» وبلىسارالىق باسسەيندىك بالىق شارۋاشىلىعى ينسپەكتسياسىنان.
قر قىلمىستىق كودەكسىنىڭ 335-بابى 4-تارماعىندا كوزدەلگەن زاڭسىزدىققا سايكەس ماتەريالدار قىلمىستىق ءىس قوزعاۋ ءۇشىن پوليتسياعا بەرىلگەن.
پاۆلودار وبلىسى