ەلىمىزدە 5 قازان – مۇعالىمدەر كۇنى رەتىندە اتالىپ وتەدى. بۇل مەرەكە ۇستاز ەڭبەگىنە قۇرمەت كورسەتۋدىڭ ايرىقشا كۇنى. ادەتتە مەرەكە قارساڭىندا اتا-انالار مەن وقۋشىلار اراسىندا «مۇعالىمگە قانداي سىيلىق جاساۋعا بولادى؟» دەگەن ساۋال ءجيى قويىلادى. كوپشىلىك گۇل سىيلاۋدى داستۇرگە اينالدىرعانىمەن, ونىڭ دا بەلگىلى ءبىر زاڭدىق شەكتەۋلەرى بار, دەپ جازادى Egemen.kz.
سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە, ەگەر سىيلىق قۇنى 19 660 تەڭگەدەن اسىپ كەتسە, بۇل زاڭ بۇزۋشىلىققا جاتادى.
«ەگەر سىيلىق قۇنى 5 اەك-تەن اسىپ, مۇعالىم سىي جاساعان ادامنىڭ پايداسىنا ارەكەت ەتسە, مۇنداي جاعداي قىلمىستىق كودەكستىڭ 247-بابىنا («زاڭسىز سىياقى الۋ») سايكەس جاۋاپكەرشىلىككە اكەلەدى», دەپ ەسكەرتتى اگەنتتىك.
ايتا كەتۋ كەرەك, 2023 جىلدان باستاپ قازاقستاندا مۇعالىمدەر كۇنى جىل سايىن 5 قازاندا رەسمي تۇردە اتاپ وتىلەدى. بۇعان دەيىن مەرەكە قازان ايىنىڭ ءبىرىنشى جەكسەنبىسىندە تويلانىپ كەلگەن.