مينسكىدە وتكەن «يننوپروم. بەلارۋس» حالىقارالىق كورمەسى اياسىندا وتاندىق كاسىپورىندار ونەركاسىپتى تسيفرلاندىرۋ سالاسىنداعى جۇمىستارىن تانىستىردى. اتالعان كورمە 15 جىلدان بەرى وتكىزىلىپ كەلەدى. وسى ۋاقىت ىشىندە قاتىسۋشىلاردىڭ گەوگرافياسى 15-تەن 60 ەلگە دەيىن كەڭەيىپ, كاسىپورىندار سانى 1 مىڭنان استى.
تسيفرلاندىرۋ قارقىندى دامىپ كەلە جاتقان سالانىڭ ءبىرى – وڭدەۋ ونەركاسىبى. كەيىنگى جىلدارى يننوۆاتسيالىق شەشىمدەردى قولداناتىن كومپانيالاردىڭ سانى 3,5 ەسە ءوسىپ وتىر. بۇل ءوندىرىس ءتاسىلىن وزگەرتىپ, كووپەراتسيا مۇمكىندىگىن ەداۋىر كەڭەيتەدى. تاۋ-كەن مەتاللۋرگيا كەشەنىنە دە پيلوتسىز تەحنولوگيالار, جەراستى راديوبايلانىس جۇيەلەرى, جۇمىس بارىسىن ديسپەتچەرلەۋ جانە روبوتتاندىرۋ ەنگىزىلىپ جاتىر. وسىنداي قارقىن وزگە سەكتورلاردان دا بايقالىپ وتىر.
«يننوپروم. بەلارۋس» حالىقارالىق كورمەسىندە ۇسىنىلعان وتاندىق ونىمدەردىڭ ءبىرى – «Game of Drones» كومپانياسىنىڭ يننوۆاتسيالىق جوباسى. اتالعان تەحنولوگيانىڭ ەكى ماقساتى بار. بىرىنشىدەن, ونى كومباين مەن شاحتا تەحنيكاسىن قاشىقتان باسقارۋ ءۇشىن پايدالانۋعا بولادى. ەكىنشىدەن, درون وپەراتورلارىن جاپپاي دايىنداۋ ءۇشىن ءتيىمدى ءارى ۇنەمدى پلاتفورما رەتىندە قىزمەت ەتەدى.
«بۇل – الەمدە تەڭدەسى جوق بىرەگەي ءونىم. ول بەينەكەسكىندەردى جانە باسقارۋدى دالدىكپەن ءارى جوعارى جىلدامدىقپەن جىبەرە الادى. وسى تەحنولوگيانى اۋىل شارۋاشىلىعى سالاسىندا, گەيمينگتە, اسكەري قىزمەتشىلەردى درون باسقارۋعا ۇيرەتۋ كەزىندە قولدانۋعا بولادى», دەپ ءتۇسىندىردى «Game of Drones» كومپانياسىنىڭ نەگىزىن قالاۋشى ابىلايحان جاقانوۆ.
كورمەدە سونىمەن قاتار جي كومەگىمەن تەمىرجول ۆاگوندارىن باسقارۋعا ارنالعان وتاندىق ستارتاپ تانىستىرىلدى. بۇل جۇيە قازىردىڭ وزىندە ءتورت ەلدە, اتاپ ايتساق, قازاقستان, وزبەكستان, ازەربايجان جانە رەسەيدە ءساتتى جۇمىس ىستەپ, 100 مىڭنان استام ۆاگوندى باسقارىپ وتىر. پلاتفورمانىڭ نەگىزگى ەلەمەنتى – ەڭ كۇردەلى ماسەلەنى, ياعني ۆاگون پاركىن وڭتايلى جوسپارلاۋ مەن ورنالاستىرۋدى شەشۋ ءۇشىن جاساندى ينتەللەكتىنى (جي) پايدالانۋ. جي دەرەكتەر ءماسسيۆىن تالدايدى جانە تاسىمالداۋ كىرىسىنە تىكەلەي اسەر ەتەتىن ەڭ ءتيىمدى لوگيستيكالىق شەشىمدەردى ۇسىنادى.
ء«بىز ءوز كليەنتتەرىمىزگە باسى ارتىق جۇگىرىستى 10%-عا دەيىن وڭتايلاندىرۋعا كومەكتەستىك. بۇل – ۇلكەن وپەراتسيالىق كورسەتكىش. ءبىزدىڭ الگوريتمدەرىمىزدىڭ كومەگىمەن ولار وڭتايلاندىرۋ, ادامنىڭ قاتىسۋىمەن بولاتىن قاتەلىكتەردى جويۋ, كەيبىر ۇدەرىستەردى اۆتوماتتاندىرۋ جانە ۇلكەن فاكتور – جي كومەگىمەن جوسپارلاۋ ارقىلى ءار ۆاگوننان ايىنا 20 دوللاردان كوپ تابىس تابا باستادى. ياعني ۆاگوندى قانداي وتىنىمگە بەرۋ كەرەكتىگىن جۇيە ءوزى شەشەدى», دەدى ازىرلەۋشى كومپانيانىڭ وكىلى ءانۋار سارسەمبينوۆ.
كورمە بارىسىندا «Best Vision Technologies» كومپانياسى «اقىلدى كاسكا» سەريالىق ءوندىرىسىن تانىستىردى. ازىرلەمەنىڭ نەگىزى – قاراپايىم كاسكاعا بەكىتىلگەن ارنايى قۇرىلعى. ول كامەرامەن, ديناميكپەن جانە ميكروفونمەن جابدىقتالعان. بۇل مەنەدجەرگە ناقتى ۋاقىت رەجىمىندە جۇمىس ورنىندا قىزمەتكەرمەن بولىپ جاتقان بارلىق نارسەنى كورۋگە جانە ەستۋگە, سونداي-اق ولارمەن ەكىجاقتى بايلانىس ورناتۋعا مۇمكىندىك بەرەدى. وندىرىستەگى لوكاليزاتسيا دەڭگەيى 63%-عا جەتەتىن قۇرىلعى ورنالاسقان جەردى باقىلاۋعا ارنالعان GPS مودۋلىمەن جابدىقتالعان جانە ۇيالى بايلانىس ارقىلى جۇمىس ىستەيدى.
سونىمەن قاتار «اقىلدى كاسكاعا» جاساندى ينتەللەكتىنى ينتەگراتسيالاۋ جۇمىستارى ءالى دە جالعاسىپ جاتقان كورىنەدى. تەحنيكالىق «كورۋدى» قولدانا وتىرىپ, جاساندى ينتەللەكت كامەرادان بەينەاعىنىن تالدايدى جانە قاۋىپسىزدىك ەرەجەلەرىنىڭ بۇزىلۋىن اۆتوماتتى تۇردە انىقتايدى.
«ەگەر قىزمەتكەر كاسكاسىز, قولعاپسىز نەمەسە جۇمىس كيىمىنسىز جۇرسە, جۇيە ونى جازىپ الادى دا دەرەۋ ديسپەتچەرگە حابارلاما جىبەرەدى. بۇل جۇيە جۇمىس ورىندارىنداعى قاۋىپسىزدىكتى باقىلاۋعا, ەڭبەك ونىمدىلىگىن ارتتىرۋعا, ءوندىرىس مادەنيەتىن جاقسارتۋعا مۇمكىندىك بەرەدى جانە قىزمەتكەرلەر مەن باسشىلىق اراسىنداعى بايلانىستى جەڭىلدەتەدى», دەدى كومپانيا ديرەكتورى ساكەن سادىقوۆ.
جاقىن ارادا كومپانيا تولىق ينتەگراتسيالانعان كاسكا شىعارۋدى جولعا قويۋدى جانە ناقتى ۋاقىت رەجىمىندە وندىرىستىك وپەراتسيالاردى ورىنداۋ كەزىندە قىزمەتكەرلەرگە كەڭەس بەرە الاتىن داۋىستىق كومەكشىنى ازىرلەۋدى جوسپارلاپ وتىر.
«يننوپروم.بەلارۋس» كورمەسىندە سپورتتاعى جاراقاتتاردىڭ الدىن الۋعا ارنالعان وتاندىق IT-ستارتاپ ۇسىنىلدى. NU بازاسىندا جۇرگىزىلىپ جاتقان جوبا مەملەكەت باسشىسىنىڭ بارلىق سالانى, سونىڭ ىشىندە سپورت پەن مەديتسينانى تسيفرلاندىرۋ جونىندەگى تاپسىرمالارى اياسىندا جۇزەگە اسقان. .
جاڭا تەحنولوگيا كەشەندى بيومەحانيكالىق تالداۋعا نەگىزدەلگەن. سپورتتىق جابدىققا بىرىكتىرىلگەن ارنايى سەنسورلار كومەگىمەن جۇيە 20 مىڭنان استام بىرەگەي قوزعالىس پارامەترلەرىن جينايدى جانە وڭدەيدى. ءارى قاراي ماشينالىق وقىتۋ الگوريتمدەرى كوزبەن كورۋ ارقىلى بايقالمايتىن ەڭ كىشكەنتاي اسيممەتريالاردى انىقتاي وتىرىپ, الىنعان دەرەكتەردى تالدايدى. تەرەڭ تالداۋ جاراقات الۋ قاۋپىن جوعارى دالدىكپەن بولجاۋعا جانە سپورتشى مەن جاتتىقتىرۋشىعا جەكە ۇسىنىستار جاساۋعا مۇمكىندىك بەرەدى.
ء«بىزدىڭ جۇيە ەكى مينۋت جاسىرىن قاۋىپ-قاتەردى انىقتاۋ ءۇشىن جاساندى ينتەللەكت ارقىلى وڭدەلەتىن ۇلكەن كولەمدەگى دەرەكتەردى ەكى مينۋت ىشىندە جيناۋعا مۇمكىندىك بەرەدى. ءبىز «Astana» جاستار فۋتبول كومانداسىمەن تابىستى قاناتقاقتى جوبا وتكىزدىك. ءبىزدىڭ ءونىمنىڭ قۇندىلىعى مەن ناتيجەسىن كورسەتتى. جاتتىقتىرۋشىلار ريزا بولدى. ەندى ءبىز كەلەسى جىلعا فۋتبول كلۋبىمەن بىرجىلدىق كەلىسىمشارتتى ىسكە قوسامىز», دەدى «Mirai Tech» جشس وپەراتسيالىق ديرەكتورى ازامات ەسجانوۆ.