ەرتىس-بايان وڭىرىندە «پاۆلودار» الەۋمەتتىك-كاسىپكەرلىك كورپوراتسياسى نەگىزىندە قۇرىلعان تۇراقتاندىرۋ قورى جۇمىس ىستەيدى. وندا بۇگىندە جالپى كولەمى 9,9 مىڭ توننا ازىق-ت ۇلىك ونىمدەرى ساقتالىپ تۇر.
ازىق-ت ۇلىكتىڭ 12 اتاۋلى ءتۇرى وبلىس كولەمىندە 212 الەۋمەتتىك دۇكەن مەن الەۋمەتتىك ساۋدا نۇكتەلەرىندە ساتىلىپ جاتىر. «پاۆلودار» الەۋمەتتىك-كاسىپكەرلىك كورپوراتسياسى» اق تۇراقتاندىرۋ قورى ازىق-ت ۇلىك قاۋىپسىزدىگىن قامتاماسىز ەتۋ دەپارتامەنتىنىڭ ديرەكتورى ازامات داندىباەۆتىڭ ايتۋىنشا, كۇز ماۋسىمىندا كوپتەگەن ازىق تۇرىنە تۇتىنۋشىلار تاراپىنان سۇرانىستىڭ جوقتىعىنا نەمەسە كۇرت ازايۋىنا بايلانىستى قوردا ارنايى تىزىمگە ەنەتىن ونىمدەردىڭ كەيبىرى كەزدەسپەيدى. ماسەلەن, نارىقتاعى باعانىڭ ارزانداۋىنا بايلانىستى كوكونىس ونىمدەرىنە سۇرانىس مۇلدە جوق. ەگەر قوردا ازىق-ت ۇلىكتىڭ بەلگىلى ءبىر ءتۇرىنىڭ ساقتالۋ مەرزىمى اياقتالىپ قالسا نەمەسە كوپ تۇرىپ قالسا, وندا ول شارتتى تۇردە جەتكىزۋشىگە قايتارىلادى. جەتكىزۋشى ونى كەيىن جاڭا ونىممەن جاڭارتىپ بەرەدى.
– قوردا شامامەن 9,9 مىڭ توننا كولەمىندە 12 ءتۇرلى ازىق-ت ۇلىك بار ء(بىرىنشى سۇرىپتى بيداي ۇنى, يودتالعان تۇز, ماكارون ونىمدەرى, قانت, كۇرىش, كۇنباعىس مايى, پياز, قىرىققابات, ءسابىز, كارتوپ, قاراقۇمىق جارماسى, ءبىرىنشى سۇرىپتى تاۋىق جۇمىرتقاسى). بارلىعى الداعى ايلارعا جەتكىلىكتى كولەمدە جينالعان. وڭىرلىك تۇراقتاندىرۋ قورىن قالىپتاستىرۋعا, پايدالانۋعا قاراجاتتى جەرگىلىكتى اتقارۋشى ورگاندار بولەدى. ونىمدەرىمىز كەلiسiمشارت جاسالعان وندiرۋشiلەردە (جەتكiزۋشiلەردە) ساقتالادى. قاجەت بولعان جاعدايدا قورعا جەتكىزىپ بەرەدى. وبلىس ورتالىعىنا اكەلىنگەن ازىق-ت ۇلىكتەر جەرگىلىكتى قويمادا ساقتالىپ, ودان ءارى وبلىستىڭ سەرىكتەس دۇكەندەرiنە جەدەل ساتىلىپ وتىرادى, – دەپ ءتۇسىندىردى ا.داندىباەۆ.
وبلىستا ءبىرىنشى سۇرىپتى ۇن, تاۋىق جۇمىرتقاسى, قاراقۇمىق جارماسى, كارتوپ, ءسابىز سياقتى ءوز ونىمدەرىن تۇراقتى وتكىزىپ وتىراتىن 10 اۋىل شارۋاشىلىعى تاۋارىن ءوندىرۋشى بار. تۇراقتاندىرۋ قورى اۋىل شارۋاشىلىعى مينيسترلىگى ۇسىنعان وتىنىمدەرگە سايكەس, ءار 3 ايعا قاجەتتىلىكتىڭ 50%-نا دەيىنگى كولەمدە قالىپتاسادى.
– ساتىلىمعا شىعاتىن ازىق-تۇلىكتىڭ باعاسى ءاردايىم نازاردا. ساۋدا سۋبەكتىلەرى باكالەيا ونىمىنە 10%-دان اسپايتىن, كوكونىس پەن كارتوپقا 15%-دان اسپايتىن ۇستەمەاقى قوسۋعا ەرىكتى, – دەپ قوستى قور وكىلى.
اتاپ وتەرلىگى, پاۆلودار وبلىسى ازىق-ت ۇلىكتىڭ ارزاندىعى جونىنەن 12 پوزيتسيا بويىنشا رەسپۋبليكاداعى توپ-5-كە كىرىپ وتىر. ولار – ءبىرىنشى سۇرىپتى ۇن, كۇرىش, قاراقۇمىق جارماسى, سارى ماي, كۇنباعىس مايى, ءسۇت (2,5%), ايران (2,5%), سۇزبە, كارتوپ, ءسابىز, پياز, قىرىققابات. باعانى ىرىقتاندىرۋ جاعىنان وبلىستىڭ پوزيتسياسى جاقسارا تۇسكەنى بايقالادى. بىلتىر بۇل ۋاقىتتا توپ-5-كە اتالعان وڭىردەن 7 ازىق-ت ۇلىك ءتۇرلى عانا ەنگەن بولاتىن.
پاۆلودار وبلىسى