پەتروپاۆلدا ساتىپ الۋشى ءوزىن الداعان اۆتوسالوندى سوتقا بەرىپ جەڭىپ شىقتى دەپ حابارلايدى Egemen.kz.
پەتروپاۆلدىڭ ءبىر تۇرعىنى اۆتوسالوننان «جاڭا» اۆتوموبيل ساتىپ العان. ءبىرشاما ۋاقىتتان كەيىن اۆتونىڭ بۇرىن قولدانىستا بولعانى, ءتىپتى كەيبىر بولشەكتەرىنىڭ, سونىڭ ىشىندە الدىڭعى وڭ قاناتىنىڭ اۋىستىرىلعانى دا بەلگىلى بولادى.
ساتىپ الۋشىنىڭ وزىنە ەسكىنى جاڭا دەپ ساتقانى ءۇشىن مورالدىق شىعىن تولەۋى كەرەكتىگىن جانە وڭ جاق قاناتىن اۋىستىرۋ قاجەتتىگىن ايتقانىن اۆتوسالون قۇلاعىنا دا ىلمەيدى.
امال جوق سوتقا جۇگىنگەن ساتىپ الۋشى ءوزىن الداپ, ەسكىنى جاڭا دەپ ساتقان اۆتوسالوننان مورالدىق شىعىنىن ءوندىرىپ الدى. سوتتىڭ تومەنگى ينستانتسياسىنىڭ شەشىمىن وبلىستىق سوت تا وزگەرتپەي, كۇشىندە قالدىردى.