بۇگىن الماتىدا 500-دەن استام كاسىپكەردىڭ, توپ-مەنەدجەرلەردىڭ جانە قازاقستاننىڭ ءىرى كومپانيالارىنىڭ باسشىلارىنىڭ باسىن قوسقان Kazakhstan Growth Forum K25 ءوتتى, دەپ حابارلايدى Egemen.kz
قاتىسۋشىلارعا ونلاين رەجيمىندە پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين نەگىزگى ۇندەۋ جاسادى. 2025 جىلعى فورۋمنىڭ نەگىزگى تاقىرىبى Customer-Centric Kazakhstan تۇجىرىمداماسى بولدى.
سەرىك جۇمانعارين بىرىنشە كەزەكتە بيىلعى ەل ەكونوميكاسى ءۇشىن ماڭىزدى جىل ەكەنىن اتاپ ءوتتى. ءىجو-دەگى مۇناي سەكتورىنىڭ ۇلەسى بىرتىندەپ تومەندەپ كەلەدى, ال وڭدەۋ ونەركاسىبى ەكونوميكاعا ۇلەسىن ارتتىردى. 2024 جىلدىڭ قورىتىندىسى بويىنشا مۇناي سالاسىنىڭ ۇلەسى ءجىو-ءنىڭ 8,1% -ىن قۇرادى, ال وڭدەۋشى ونەركاسىپ 12,4% -عا جەتتى.
ۆيتسە-پرەمەر 2025 جىل ەكونوميكالىق ءوسىم كوزدەرىن قايتا ويلاستىرۋ تۇرعىسىنان ماڭىزدى ەكەنىن اتاپ ءوتتى. ۇكىمەتتىڭ باقىلاۋىندا مۇناي-حيميا, اۋىل شارۋاشىلىعى ونىمدەرىن قايتا وڭدەۋ جانە ماشينا جاساۋدى قوسا العاندا, جالپى قۇنى شامامەن $27 ملرد بولاتىن 17 ءىرى جوبا بار. ولاردىڭ ىشىندە جاقىن ارادا قوستاناي مەن الماتىدا جۇمىس ىستەيتىن اۆتوزاۋىتتار بار. سونىمەن قاتار, 2029 جىلعا دەيىن $80 ملرد. كولەمىندەگى ۇلتتىق ينفراقۇرىلىمدىق جوسپار جۇمىس ىستەيدى
ۆيتسە-پرەمەر 2025 جىلى باستالعان «بايتەرەك» دامۋ قارجى ينستيتۋتىن كاپيتالداندىرۋ باعدارلاماسىنا ەرەكشە نازار اۋداردى.
ء«بىز بۇگىندە كۇردەلى قارجىلىق جاعدايعا جانە سىرتقى ەكونوميكالىق سىن-قاتەرلەرگە قاراماستان, بايتەرەكتى كاپيتالداندىرۋعا تريلليون تەڭگە سالۋدامىز. بايتەرەكتىڭ 1-دەن 7-گە اراقاتىناسى بار تەتىكتەرى ارقىلى ءبىز تاعى 7 تريلليون تارتامىز, ونىڭ 4 تريلليونى - ەكسپورتقا باعدارلانعان وندىرىستەردى قولداۋ ءۇشىن ۆاليۋتالىق رەسۋرستار. ناتيجەسىندە 8 ترلن تەڭگەگە, بۇل شامامەن 15 ميلليارد دوللاردى قۇرايدى, ءبىز ەكونوميكانىڭ ناقتى سەكتورىنىڭ جوبالارىن بيىل قارجىلاندىرامىز. بۇل ەكونوميكاعا قوسىمشا سەرپىن بەرەدى - بيىل ءىجو-ءنىڭ 1,3% -عا جۋىق ءوسىمى. بۇل, شىن مانىندە, مۇنايعا لايىقتى بالاما», دەدى سەرىك جۇمانعارين
سەرىك جۇمانعاريننىڭ ايتۋىنشا, كولىك ينفراقۇرىلىمىن دامىتۋ ەكونوميكالىق ءوسىمنىڭ نەگىزگى فاكتورى بولىپ قالا بەرەدى: 2025 جىلى 13,1 مىڭ شاقىرىم اۆتوجول مەن 4 مىڭ شاقىرىم تەمىرجول سالىنىپ, جوندەلەدى. «دوستىق-مويىنتى» ۋچاسكەسىنىڭ قۇرىلىسى اياقتالىپ كەلەدى, ال كەلەسى جىلى «مويىنتى-قىزىلجار» ۋچاسكەسى ىسكە قوسىلادى. «بەينەۋ-سەكسەۋىل» جوباسى ەقدب مەن حقدب تاراپىنان قولداۋ تاپقان, 800 ملرد تەڭگەدەن استام قارجى بولۋگە دايىن ەكەندىگىن راستاعان ورتاداعى ءدالىز مۇمكىندىكتەرىن كۇشەيتەدى. سونىمەن قاتار, ۆيتسە-پرەمەر اۆتوجولداردى كۇتىپ ۇستاۋ ەرەكشە ءتاسىلدى تالاپ ەتەتىنىنە نازار اۋداردى, سەبەبى كوپتەگەن اۆتوجولدار ەكونوميكالىق جاعىنان ءوزىن اقتامايدى, ولار بويىنشا مەملەكەتتىك كەپىلدىكتەر كوبىنەسە ناقتى مىندەتتەمەلەرگە اينالادى. وسىعان بايلانىستى ينفراقۇرىلىمدىق دامۋدى جەدەلدەتەتىن تەمىرجولدارعا قىزمەت كورسەتۋ ستاندارتتارىمەن سالىستىرىلاتىن تراسسالاردى ۇستاۋدىڭ وزگە تەتىگىن كوزدەيتىن ۇسىنىستار پاكەتى ازىرلەنىپ جاتىر.
بۇعان قوسا مينيستر حالىقارالىق ترانزيتتىك باعىتتاردى دامىتۋ پەرسپەكتيۆالارىنا جەكە توقتالدى. ترانسكاسپي حالىقارالىق كولىك باعىتى بويىنشا تەمىر جول تاسىمالدارىنىڭ كولەمى 2025 جىلى 7-10 ملن تونناعا دەيىن ءوسۋ پەرسپەكتيۆاسىمەن 4,5 ملن توننادان اسادى, بۇل ءونىمدى وتكىزۋدى قامتاماسىز ەتۋ ءۇشىن الەمدىك پورتتارعا سەنىمدى جولدار قۇرۋدىڭ ماڭىزدىلىعىن كورسەتەدى. وسىعان بايلانىستى اۋعانستانمەن CASA (ورتالىق ازيا - وڭتۇستىك ازيا) كەڭ ءدالىزىنىڭ ءبىر بولىگى بولاتىن جانە قازاقستاندى تۇركىمەنستان, اۋعانستان جانە پاكىستان ارقىلى وتەتىن باعىتتارمەن بايلانىستىرۋعا مۇمكىندىك بەرەتىن «تۋرگۋندي - گەرات» تەمىر جولىن سالۋ تۋرالى مەموراندۋمعا قول قويىلدى.
ۆيتسە-پرەمەردىڭ پىكىرىنشە, بۇل جوبالاردى الداعى 5-10 جىلدا ىسكە اسىرۋ قازاقستاننىڭ جاڭا ەكسپورتتىق نارىقتارعا تۇراقتى شىعۋى جانە ءارتاراپتاندىرۋ جاعدايىندا ەكونوميكانىڭ تۇراقتى دامۋىن قامتاماسىز ەتۋ ءۇشىن ماڭىزدى.