ۇلتتىق ستاتيستيكا بيۋروسىنىڭ مالىمەتىنشە, قازاقستاندا نەگىزگى كاپيتالعا سالىنعان ينۆەستيتسيالار كولەمى وتكەن جىلدىڭ سايكەس كەزەڭىمەن سالىستىرعاندا 14,3 % ءوسىپ, 11 543,1 ملرد تەڭگەنى قۇراعان, دەپ جازادى Egemen.kz.
ينۆەستيتسيانىڭ باستى كوزى كاسىپورىنداردىڭ ءوز قاراجاتى بولىپ وتىر. بۇل سوما - 7 320,3 ملرد تەڭگە.
بيۋدجەت قاراجاتى 23% قۇراپ, وتكەن جىلمەن سالىستىرعاندا 42,6% ارتقان. بانكتەردىڭ قارجىلاندىرۋ ۇلەسى – 3,5 پايىزدى كورسەتكەن.
وڭىرلەر اراسىندا ينۆەستيتسيانىڭ ەڭ جوعارعى كورسەتكىشى 49,3 پايىزبەن اقمولا وبلىسى تىركەگەن, اكتوبە وبلىسىندا (38,7%), استانا قالاسىندا (35,8%), جامبىل وبلىسىندا (32,4%) جانە الماتى قالاسىندا (26,1%) بايقالعان.
ينۆەستيتسيالىق قاراجاتتىڭ باسىم 68,3% عيماراتتار مەن قۇرىلىستاردىڭ سالىنۋىنا جانە كۇردەلى جوندەۋىنە باعىتتالعان. ماشينالار, جابدىقتار جانە كولىك قۇرالدارىن الۋعا جالپى شىعىننىڭ 27,2% جۇمسالعان.
سالالار بويىنشا نەگىزگى كاپيتالعا سالىنعان ينۆەستيتسيانىڭ ەڭ كوپ ۇلەسى ونەركاسىپكە (37,3%) تيەسىلى (ونىڭ ىشىندە تاۋ-كەن ءوندىرۋ ونەركاسىبى مەن كارەرلەردى يگەرۋ – 15,7%, وڭدەۋ ونەركاسىبى – 11%), ودان بولەك جىلجىمايتىن م ۇلىك وپەراتسيالارى (19,4%), كولىك جانە قويما (18%), ءبىلىم بەرۋ سالاسى (7,3%) دا ايتارلىقتاي ۇلەسكە يە.