جەر بەتىندە تولىق تىنىشتىق ورناعان ورىن بارىن بىلەسىز بە؟ ول – اقش-تىڭ ميننەاپوليس قالاسىنداعى ورفيلد زەرتحاناسىندا ورنالاسقان انەحويكالىق كامەرا. بۇل بولمە الەمدەگى ەڭ تىنىش ورىن رەتىندە گيننەستىڭ رەكوردتار كىتابىنا ەنگەن.
قابىرعالارى دىبىستى تولىق سىڭىرەتىن ماتەريالمەن قاپتالعاندىقتان, مۇندا ەشقانداي جاڭعىرىق بولمايدى. دىبىس دەڭگەيى – 9,4 دەتسيبەلگە دەيىن تومەندەيدى. ياعني ادامنىڭ قۇلاعى ءۇشىن «مينۋس دىبىس» اسەرىن تۋدىرادى. مۇنداي بولمەگە كىرگەن ادام العاشىندا جۇرەك سوعىسىن, وكپەسىنىڭ تىنىسىن, اسقازانىنىڭ قيمىلىن ەستيدى. بىرنەشە مينۋتتان سوڭ تەپە-تەڭدىك سەزىمى السىرەپ, سانادا ەرەكشە اسەر پايدا بولادى. سوندىقتان ەشكىم مۇندا ۇزاق ۋاقىت بولۋعا شىداي المايدى.
دايىنداعان –
رامازان ورىنباسار,
ل.ن.گۋميلەۆ اتىنداعى ەۇۋ ستۋدەنتى