قازاقستاندا 2022 جىلدان بەرى حالىقارالىق وليمپيادادا ۇزدىك ناتيجە كورسەتكەن وقۋشىلارعا قارجىلاي سىياقى بەرىلىپ كەلەدى. ەرەجەگە سايكەس, التىن مەدال يەگەرلەرى – 1500 اەك-كە دەيىن, كۇمىس جۇلدەگەرلەر – 1000 اەك-كە دەيىن, ال قولا مەدال يەگەرلەرى – 500 اەك-كە دەيىن ماراپاتتالادى, دەپ حابارلايدى Egemen.kz.
«2025 جىلى وليمپيادا جەڭىمپازدارى مەن ولاردىڭ تالىمگەرلەرىنە جالپى سوماسى 100 ملن تەڭگەدەن استام بىرجولعى سىياقى بەرىلدى. مەملەكەتتىك قولداۋ تەك وقۋشىلارعا عانا ەمەس, ولاردىڭ جەتەكشىلەرىنە دە باعىتتالعان», دەدى قر وقۋ-اعارتۋ مينيسترلىگى ورتا ءبىلىم كوميتەتىنىڭ توراعاسى قانىبەك جۇماشەۆ.
بۇدان بولەك, حالىقارالىق وليمپيادا جەڭىمپازدارىنا «بولاشاق» باعدارلاماسى اياسىندا ءبىلىم الۋ مۇمكىندىگى ۇسىنىلعان.