گيدروتەحنيكالىق نىسانداردى, كوممۋنالدىق گيدروتەحنيكالىق قۇرىلىسجايلاردى پايدالانۋ جانە باسقارۋ جونىندەگى مامانداندىرىلعان ۇيىمداردىڭ بالانسىنا بەرۋ جونىندەگى جول كارتالارى ازىرلەندى, دەپ جازادى Egemen.kz.
وسى جول كارتاسى بويىنشا, بيىل 120 گيدروتەحنيكالىق نىساندى كاسىپورىنداردىڭ بالانسىنا قابىلداۋ جوسپارلانىپ وتىر. سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, 2026 جىلى – 245, 2027 جىلى – 465 نىساندى مەملەكەت بالانسىنا قايتارۋ كوزدەلگەن. سونىمەن قاتار 1 937-گە جۋىق گيدروتەحنيكالىق نىساندى كوممۋنالدىق مەنشىكتەن رەسپۋبليكالىق مەنشىككە وتكىزۋ جوسپارلانىپ وتىر.
«مەملەكەت باسشىسىنىڭ تاپسىرماسىنا سايكەس, وڭىرلەردە كوممۋنالدىق گيدروتەحنيكالىق قۇرىلىسجايلاردى پايدالانۋ جانە باسقارۋ جونىندەگى 16 مامانداندىرىلعان ۇيىم قۇرىلىپ, جۇمىس ىستەپ جاتىر. سونىڭ ىشىندە 10 ۇيىم 2024-2025 جىلدارى قۇرىلعان. قازىرگى تاڭدا بۇل ۇيىمداردىڭ بالانسىنا 872 نىسان قابىلدانىپ, 283 ارنايى تەحنيكا بەرىلدى جانە 1 197 ادام جۇمىسقا ورنالاستىرىلدى. ونىڭ ىشىندە 310 قىزمەتكەر بيىل جۇمىسپەن قامتىلدى», دەلىنگەن مينيسترلىك حابارلاماسىندا.
ايتا كەتەيىك, جاڭا مەكەمەلەر اقمولا, اقتوبە, اتىراۋ, باتىس قازاقستان, سولتۇستىك قازاقستان, قوستاناي, قىزىلوردا, پاۆلودار وبلىستارىندا, سونداي-اق اباي جانە جەتىسۋ وبلىستارىندا اشىلعان.