قاراعاندى وبلىسىندا مال ۇرلىعىنىڭ الدىن الۋ ماقساتىندا ءموبيلدى بەكەتتەر قويىلدى, دەپ حابارلايدى Polisia.kz.
وڭىردە مال ۇرلىعىنىڭ الدىن الۋ جانە اۋىل شارۋاشىلىعى تاۋار وندىرۋشىلەرىنىڭ مۇلكىن قورعاۋ ماقساتىندا 15 قىركۇيەكتەن باستاپ رەسپۋبليكالىق جانە وبلىستىق ماڭىزى بار اۆتوجولداردا 20 ءموبيلدى بەكەت جۇمىس ىستەۋدە.
ءموبيلدى بەكەتتەردىڭ نەگىزگى مىندەتى – ەت ونىمدەرىن تاسىمالدايتىن كولىكتەردى تەكسەرىپ, ولاردىڭ قۇجاتتارىنىڭ زاڭ تالاپتارىنا سايكەستىگىن باقىلاۋ. تەكسەرىس جۇمىستارىنا پاترۋلدىك پوليتسيا, ۋچاسكەلىك ينسپەكتورلار جانە كريمينالدىق پوليتسيا قىزمەتكەرلەرى جۇمىلدىرىلعان.
بەس كۇن ىشىندە ءتارتىپ ساقشىلارى 2 مىڭعا جۋىق اۆتوكولىكتى تەكسەرىپ, تاسىمالدانعان ەت ونىمدەرىنىڭ قۇجاتتارىن باقىلاۋدان وتكىزدى.