بيىلعى جىلدىڭ سەگىز ايىندا 3,5 ملرد تەڭگە كولەمىندەگى اليمەنتتىك بەرەشەك وتەلدى. سونىمەن قاتار قاساقانا تولەمەگەن 50 بورىشكەر قىلمىستىق جاۋاپتىلىققا تارتىلعان. ونىڭ ىشىندە 33 ادام سوتتالىپ, 17 ءىس بەرەشەكتى ەرىكتى تۇردە وتەۋىنە بايلانىستى توقتاتىلعان, دەپ حابارلايدى Egemen.kz.
وبلىستىق پروكۋراتۋرانىڭ حابارلاۋىنشا, اۋداندىق سوت بورىشكەر «ا»-نى 2,1 ملن تەڭگە قارىزى ءۇشىن ءبىر جىلعا بوستاندىعىن شەكتەۋگە ۇكىم شىعارعان. ول ەكى جىلدان استام ۋاقىت بويى اليمەنت تولەمەي كەلگەن.
«سونىمەن قاتار, اليمەنتتىك قارىزداردى وتەۋ ءۇشىن 4 جىلجىمايتىن م ۇلىك (جەر تەلىمدەرى, ۇيلەر) تاركىلەندى. ماسەلەن, 5 ملن تەڭگە بەرەشەگى بار بورىشكەر «ي»-ءدىڭ ورنىنا سوت ورىنداۋشىسى ەڭبەكشىقازاق اۋدانىنداعى 100 شارشى مەتر تۇرعىن ءۇيدى ءوندىرىپ الدى», دەلىنگەن حابارلامادا.
پروكۋراتۋرانىڭ باستاماسىمەن 169 بورىشكەر اكىمشىلىك جاۋاپتىلىققا تارتىلىپ, ولاردىڭ 108-ءى 5 تاۋلىككە دەيىن قاماۋعا الىنعان.