ق.توقاەۆ مۇحاممەد ابدۋراحمان ءال-دۋاينيگە ىلتيپات تانىتىپ, الەمدىك جانە ءداستۇرلى دىندەر كوشباسشىلارىنىڭ VIII سەزىنە قاتىسۋ ءۇشىن استاناعا كەلگەنىنە ريزاشىلىق ءبىلدىردى, دەپ جازادى Egemen.kz.
قاسىم-جومارت توقاەۆ ء«ال-ازھار» ۇستانىمدارى ەلىمىزدىڭ بەيبىتشىلىك ساياساتىنا تولىق ساي كەلەتىنىنە, ونىڭ باستامالارى جالپى ادامزات وركەنيەتىنىڭ بىرلىگىن نىعايتا تۇسەتىنىنە توقتالدى.
مەملەكەت باسشىسىنىڭ پىكىرىنشە, استانادا ءوتىپ جاتقان سەزد – قازاقستاننىڭ دىنارالىق كەلىسىمدى نىعايتۋ جولىنداعى تاباندى ساياساتىنىڭ كورىنىسى. ال ءدىني كوشباسشىلاردىڭ باسقوسۋى – جاي عانا كەزدەسۋ ەمەس, ناقتى شەشىمدەر قابىلداناتىن ماڭىزدى پلاتفورما.
مۇحاممەد ابدۋراحمان ءال-دۋايني ء«ال-ازھار» ۋنيۆەرسيتەتىنىڭ جوعارعى يمامى شەيح احمەت ات-تايەبتىڭ ىزگى سالەمىن جەتكىزىپ, سەزدىڭ الەمدە بەيبىتشىلىكتى ورنىقتىرۋعا قوسقان ۇلەسىن جوعارى باعالادى.