تيمۋر ق ۇلىباەۆتىڭ «Halyk» قورى ەكولوگيا مينيسترلىگىمەن بىرلەسىپ, «سەمەي ورمانى», ىلە-الاتاۋ ۇلتتىق پاركى جانە ەلوردانىڭ جاسىل بەلدەۋى اۋماقتارىندا كەڭ كولەمدى اعاش وتىرعىزۋ جوباسىن جۇزەگە اسىرادى, دەپ حابارلايدى Egemen.kz.
16 قىركۇيەكتە قور مەن مينيسترلىك ىنتىماقتاستىق تۋرالى مەموراندۋمعا قول قويدى. جوبا اياسىندا قور 1 ملرد تەڭگە ينۆەستيتسيا سالىپ, 4 ميلليوننان استام اعاش پەن كوشەت وتىرعىزۋدى جوسپارلاپ وتىر.
قازاقستان پرەزيدەنتى قاسىم-جومارت توقاەۆ ءوز جولداۋىندا تابيعاتتى قورعاۋدى ۇلتتىق يدەولوگيانىڭ ماڭىزدى بولىگى دەپ اتاعان ەدى. «Halyk ورمانى» جوباسى بۇل باستامالاردى قولداي وتىرىپ, «تازا قازاقستان» ۇلتتىق تۇجىرىمداماسىنىڭ جۇزەگە اسۋىنا ۇلەس قوسادى.
جوبانىڭ باستى ماقساتى – ەكولوگيالىق تۇرعىدان وسال ايماقتاردا جاڭا ورمان القاپتارىن قۇرۋ, ورتتەن زارداپ شەككەن ەكوجۇيەلەردى قالپىنا كەلتىرۋ, بيوالۋانتۇرلىكتى ساقتاۋ جانە تابيعي تەپە-تەڭدىكتى قامتاماسىز ەتۋ.
ەستەرىڭىزگە سالا كەتەيىك, 2023 جىلى «سەمەي ورمانى» اۋماعىندا ەلىمىز تاريحىنداعى ەڭ ءىرى ورمان ءورتىنىڭ سالدارىنان 60 مىڭ گەكتاردان استام جەر جانىپ كەتكەن ەدى. بۇل وقيعا ورمان القاپتارىن قالپىنا كەلتىرۋدىڭ جانە ەكولوگيالىق اپاتتاردىڭ الدىن الۋدىڭ ماڭىزدىلىعىن كورسەتتى.
جوبا بارىسىندا حالىقارالىق جانە قوعامدىق ۇيىمدارمەن ارىپتەستىك ورناتىلىپ, ەرىكتىلەر ارنايى ونلاين-پلاتفورما ارقىلى تارتىلماق. سونىمەن قاتار, وتىرعىزىلعان ايماقتاردا ەكولوگيالىق مادەنيەتتى ناسيحاتتاۋ ءۇشىن ارنايى اقپاراتتىق ستەلالار قويىلادى.
«قورشاعان ورتانى قورعاۋ – تەك ءبىر سالانىڭ مىندەتى ەمەس. بۇل – مەملەكەتتىڭ, بيزنەستىڭ جانە قوعامنىڭ ورتاق ءىسى. ءبىز قازىر تابيعاتتى ساقتاۋ جولىندا شەشۋشى قادامدار جاساۋعا ءتيىسپىز. «Halyk ورمانى» – سونداي يگى باستامالاردىڭ ءبىرى. جوبا تەك ورتتەن زارداپ شەككەن ايماقتاردى قالپىنا كەلتىرىپ قويمايدى, سونىمەن قاتار ەلىمىزدىڭ جاسىل قورىن كوبەيتىپ, كليماتتىق تەپە-تەڭدىكتى ساقتاۋعا ىقپال ەتەدى. بۇل باستاما – ەلدىڭ ستراتەگيالىق تاڭداۋى. ورمان وتىرعىزۋ – عاسىرلىق ءىس, ونىڭ جەمىسىن ۇرپاق كورەدى», دەدى ەكولوگيا جانە تابيعي رەسۋرستار ءمينيسترى ەرلان نىسانباەۆ «Halyk ورمانى» جوباسىنىڭ ماڭىزىنا توقتالىپ.
كوگالداندىرۋ الەمدە كليمات وزگەرىسىمەن كۇرەستىڭ نەگىزگى قۇرالدارىنىڭ ءبىرى بولىپ سانالادى. جاڭا ورماندار بيوالۋانتۇرلىكتى ساقتاپ, جەردىڭ وتتەكتىك بالانسىن قامتاماسىز ەتەدى. «Halyk ورمانى» جوباسى قازاقستاننىڭ جاھاندىق ەكولوگيالىق قوزعالىسقا قوسقان ۇلەسىن ارتتىرادى.
«Halyk» قورىنىڭ قامقورشىلىق كەڭەسىنىڭ مۇشەسى, Halyk Bank باسقارما ءتورايىمى ءۇمىت شاياحمەتوۆا ينۆەستيتسيا تەك اعاش وتىرعىزۋعا ەمەس, جاسىل ايماقتاردى كۇتىپ-باپتاۋعا جانە ەكولوگيالىق ءبىلىم بەرۋ جوبالارىنا دا جۇمسالاتىنىن ايتتى.
ء«بىز ءۇشىن قازاقستاننىڭ تابيعي بايلىعىن ساقتاۋ اسا ماڭىزدى. «Halyk ورمانى» – بۇل ەكولوگيالىق قاۋىپسىزدىك پەن ەل بولاشاعىنا سالىنعان ينۆەستيتسيا. ءبىز مەملەكەتپەن جانە قوعاممەن كۇش بىرىكتىرىپ, ۇلت پەن بولاشاق ۇرپاقتىڭ ساۋلىعى ءۇشىن ەڭبەك ەتىپ كەلەمىز. بۇل جوبا – كەلەر ۇرپاققا قالدىراتىن ەڭ قىمبات مۇرامىزدىڭ ءبىرى. بۇل جاي عانا اعاش وتىرعىزۋ ەمەس, قازاقستان تابيعاتىن قورعاۋعا جاسالعان ماڭىزدى قادام. قوردىڭ قولداۋى مەن قوعامنىڭ بەلسەندىلىگى ارقاسىندا ەلىمىزدەگى ەكولوگيالىق جاعدايدى جاقسارتا الامىز دەپ سەنەمىن», دەدى ول.
«Halyk ورمانى» – قوردىڭ تۇراقتى ەكولوگيالىق باستامالارىنىڭ جالعاسى. بۇعان دەيىن «GreenAct» ەكو-چەللەندجى ارقىلى مىڭداعان ازاماتتار مەن ۇيىمدار ەكولوگيالىق اكتسيالارعا قاتىسىپ, ىلە-الاتاۋ ۇلتتىق پاركىندە 3 500 شىرشا, الماتى ورتالىق ساياباعىندا الما اعاشتارى وتىرعىزىلعان.
قور ەرىكتىلەر مەن تابيعاتقا بەيجاي قارامايتىن ازاماتتاردى جوباعا قوسىلۋعا شاقىرادى. ءار ادامنىڭ قولداۋى ەلدەگى جاسىل ايماقتاردىڭ ارتۋىنا جانە ەكولوگيانى ساقتاۋعا ناقتى ۇلەس قوسۋعا مۇمكىندىك بەرەدى.