«استانا ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگياەۆتى شارتتى تۇردە مەرزىمىنەن بۇرىن بوساتۋدان تاعى دا باس تارتىلدى, دەپ حابارلايدى Egemen.kz.
2025 جىلدىڭ 14 شىلدەسىندە الاتاۋ قالالىق سوتى ەرمەگياەۆتى شارتتى تۇردە مەرزىمىنەن بۇرىن بوساتۋدان باس تارتقان ەدى.
بۇگىن الماتى وبلىستىق سوتى وسى سوت قاۋلىسىنا قاتىستى ادۆوكاتتىڭ جەكە شاعىمىن قارادى. سوتتالۋشىنىڭ ادۆوكاتى اتالعان قاۋلىنىڭ كۇشىن جويىپ, سوتتالۋشىنى شارتتى تۇردە مەرزىمىنەن بۇرىن بوساتۋ تۋرالى جاڭا شەشىم شىعارۋدى سۇراعان. الايدا پروكۋرور قاۋلىنى وزگەرىسسىز قالدىرۋدى تالاپ ەتتى.
سوت القاسى سوتتالۋشىنىڭ شارتتى تۇردە مەرزىمىنەن بۇرىن بوساتۋ تۋرالى ءوتىنىشىن قاناعاتتاندىرۋدان باس تارتۋ جونىندەگى ءبىرىنشى ساتىداعى سوت قاۋلىسىن جويۋعا نەگىز تاپپادى.
– ءوتىنىشتى قاراۋ بارىسىندا ءىس جۇرگىزۋ جانە ماتەريالدىق قۇقىق نورمالارى بۇزىلعان جوق. سوتتالۋشىنىڭ بارلىق سيپاتتامالارى, سونىڭ ىشىندە كەلتىرىلگەن زالالدى وتەۋى, ءتيىستى تۇردە باعالاندى. شەشىمدى جويۋعا نەگىزدەر انىقتالعان جوق, – دەپ مالىمدەدى الماتى وبلىستىق سوتىنىڭ ءباسپاسوز قىزمەتى.
قاۋلى زاڭدى كۇشىنە ەندى.