ترانسۇلتتىق ۇيىمداسقان قىلمىستىق توپقا قاتىسقان قازاقستان ازاماتى 7 جىلدىق ىزدەۋدەن كەيىن تۇركيادان ەلگە جەتكىزىلدى. ول ويىن بيزنەسىن زاڭسىز ۇيىمداستىرىپ, بيلىگىن اسىرا پايدالانعانى ءۇشىن قىلمىستىق جاۋاپتىلىققا تارتىلادى, دەپ حابارلايدى Egemen.kz.
باس پروكۋراتۋرانىڭ مالىمەتىنشە, كۇدىكتى 2015–2016 جىلدارى شىعىس قازاقستان وبلىسىنىڭ مەملەكەتتىك ورگانىندا باسشىلىق قىزمەت اتقارىپ, ويىن بيزنەسى سالاسىنداعى زاڭسىز ارەكەتتەرگە جۇيەلى تۇردە اقشالاي سىياقى العان.
«قىلمىس جاساعاننان كەيىن ول جاسىرىنىپ, 7 جىل بويى حالىقارالىق ىزدەۋدە بولعان. 2024 جىلدىڭ قاڭتارىندا ىزدەۋدەگى ازامات تۇركيا رەسپۋبليكاسىنىڭ يزمير قالاسىندا ۇستالىپ, قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قىلمىستىق جاۋاپتىلىققا تارتۋ ءۇشىن ەلگە ەكستراديتسيالاندى. قازىرگى ۋاقىتتا ول تەرگەۋ يزولياتورىنا قامالدى», دەلىنگەن حابارلامادا.
قىلمىستىق توپتىڭ باسقا مۇشەلەرى بۇعان دەيىن ءارتۇرلى مەرزىمگە باس بوستاندىعىنان ايىرىلعان. ايىپتالعان ءىس-ارەكەتتەرگە م ۇلىكتى تاركىلەۋ جانە 12–20 جىلعا دەيىن باس بوستاندىعىنان ايىرۋ جازاسى قاراستىرىلعان.