يندونەزيانىڭ بالي ارالىندا سوڭعى ونجىلدىقتاعى ەڭ كۇشتى سۋ تاسقىنىنان كەيىن ءبىر اپتالىق توتەنشە جاعداي ەنگىزىلدى, دەپ حابارلايدى Egemen.kz.
يندونەزيا پرەزيدەنتى اپاتتىڭ زارداپتارىن شۇعىل جويۋدى, جوعالعانداردى تابۋدى جانە ەۆاكۋاتسيالانعان تۇرعىندارعا العاشقى قاجەتتىلىكتەردى جەتكىزۋدى تاپسىرعان. سونىمەن قاتار تابيعي اپاتتاردىڭ سالدارىن جويۋ جونىندەگى ۇلتتىق اگەنتتىكتىڭ مالىمەتىنشە, ىزدەۋ-قۇتقارۋ مەن تازالاۋ جۇمىستارىنا 400-600 مامان جۇمىلدىرىلعان.
8 قىركۇيەكتە باستالعان تولاسسىز جاۋىن بالي مەن شىعىس نۋسا-تەنگارا پروۆينتسياسىندا تاسقىن مەن وپىرىلۋلارعا سەبەپ بولعان. سالدارىنان 120-دان اسا اۋىلدى سۋ باسىپ, 500-دەن كوپ ادام مەكتەپتەر مەن مەشىتتەرگە ۋاقىتشا ورنالاستىرىلعان.
الدىن الا دەرەكتەرگە سايكەس, سۋ تاسقىنى سالدارىنان شامامەن 20 ادام كوز جۇمىپ, تاعى 10 تۇرعىن حابار-وشارسىز كەتكەن.