پەتروپاۆلدىڭ 32 جاسار ءبىر تۇرعىنى وڭاي اقشا تابامىن دەپ قيىن جاعدايعا قالدى. ينتەرنەت-دۇكەنگە سينتەتيكالىق ەسىرتكىنى قالتاشالارعا ء«بولۋشى» عانا بولىپ جالدانعان ول سول كۇنى جارتى كيلوگرامم ەسىرتكىمەن قولعا ءتۇستى, دەپ حابارلايدى Egemen.kz.
كوپ اقشانى بىردەن تابامىن دەپ ويلاعانىمەن سوت شەشىمىمەن ەندى باقانداي 7 جىلعا باس ەركىنەن ايرىلىپ, جارقىن ءومىرىن تەمىر توردىڭ ار جاعىنداعى جابىق جاعدايدا وتكىزەتىن بولدى. جۇمىس ىستەگىسى كەلگەن ادامعا پەتروپاۆلدا جۇمىس ورىندارى جەتەرلىك, سوعان قاراماي «اۋىردىڭ استى, جەڭىلدىڭ ۇستىمەن» جۇرگىسى كەلەتىندەر وڭاي اقشا ورعا جىعاتىنىن ەستەن شىعارماسا ەكەن.