الەۋمەتتىك جەلىلەردە استاناداعى تۇنگى كلۋبتاردىڭ بىرىندە 19 جاستاعى جىگىتتىڭ ءولىمى تۋرالى اقپارات تارادى, دەپ حابارلايدى Egemen.kz.
Kozachkov offside Telegram-ارناسىنىڭ دەرەگىنشە, جىگىتتەردىڭ اراسىندا جانجال شىعىپ, ارتىنشا توبەلەسكە ۇلاسقان. سول ساتتە ولاردىڭ بىرىنە پىشاق جاراقاتى سالىنعان.
ەلوردالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, كۇدىكتى ۇستالىپ, استانا قالاسى پد-ءنىڭ ۋاقىتشا ۇستاۋ يزولياتورىنا قاماۋعا الىندى.
«مەكەمە قوناقتارىنىڭ اراسىندا جانجال تۋىنداپ, ول توبەلەسكە ۇلاسقانى انىقتالدى. وقيعا بارىسىندا كۇدىكتى پىشاق جاراقاتىن سالىپ, سونىڭ سالدارىنان 19 جاستاعى جىگىت العان جاراقاتىنان وقيعا ورنىندا كوز جۇمدى», دەلىنگەن حابارلامادا.
اتالعان فاكتى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.