تسيفرلاندىرۋ – اگروسالانى دامىتۋ تەتىگى

سونداي-اق ول ءوز سوزىندە اۋىل شارۋاشىلىعى سالاسىنىڭ ستراتە­گيالىق ماڭىزدىلىعىنا توقتالدى. ياعني قازاقستان اگرارلىق الەۋەتى جوعارى مەملەكەت رەتىندە ىشكى نارىقتى ساپالى ازىق-ت ۇلىكپەن قام­تاماسىز ەتىپ قانا قوي­ماي, حالىقارالىق نارىققا دا ەكس­پورتتىق الەۋەتى مىقتى ەلگە اينالۋعا ءتيىس ەكەنىن باسا ايتتى. بۇل ورايدا سالاعا تسيفرلىق تەح­نولوگيالار مەن جاساندى ينتەل­لەكتىنى ەنگىزۋ قاجەت.

مەن جۇمىس ىستەپ جاتقان اۋىل شارۋاشى­لىعى سالاسى ءۇشىن بۇل جولداۋدا ايتىلعان باسىمدىقتار ناقتى باعدار ءارى تىكەلەي تاجىريبەلىك مانگە يە دەر ەدىم. اگروونەركا­سىپ كەشەنىن جەتىلدىرۋدە تەح­نولوگيالىق جاڭعىرتۋ, اسىرەسە ءوندىرىستى تسيفرلاندىرۋ, شە­شىم قابىلداۋدىڭ دالدىگى مەن تيىمدىلىگىن ارتتىرادى. جاساندى ينتەللەكت ونىمدىلىككە قاتىستى بولجامدار جاساۋ­عا, وسىمدىك اۋرۋلارى مەن زيانكەستەردى ەرتە انىقتاۋعا, سونداي-اق ناقتى دەرەكتەرگە نەگىزدەلگەن وڭتايلى اگرارلىق شەشىمدەر قابىلداۋعا جول اشادى.

دروندار, سەنسورلار, سمارت-فەرمالار جانە ينتەللەك­تۋالدى سۋارۋ سەكىلدى تسيفرلىق شەشىمدەرگە نەگىزدەلگەن دالمە-ءدال ەگىنشىلىك جۇيەلەرى اۋىل شارۋاشىلىعىندا اۆتوماتتاندىرۋدى قامتاماسىز ەتىپ, رەسۋرس­تاردى ۇتىمدى پايدالانۋعا نەگىز بولادى. سونىمەن قاتار فەرمەرلەرگە ارنالعان ونلاين سەرۆيستەردى دامىتۋ, مەملەكەتتىك قولداۋ مەن سۋبسيديالاردىڭ اشىقتىعىن قامتاماسىز ەتۋ – اۋىلداعى ەڭبەك ادامىن قولداۋعا باعىت­تالعان ءتيىمدى شارا.

وعان قوسا ەكولوگيالىق تازا ءارى ورگانيكالىق ءونىم ءوندىرۋ نەگىزگى باسىمدىقتار­دىڭ ءبىرى رەتىندە ايقىندال­دى. پرەزيدەنتتىڭ اي­­تۋىنشا, جاساندى ينتەللەكت پەن تسيفر­لاندىرۋ اۋىل شا­رۋا­شى­لىعىندا ونىمدىلىكتى ارت­­تى­رىپ قانا قويماي, رەسۋرستار­دى ۇنەمدەۋگە, ءونىم ساپاسىن جاقسارتۋعا, قاۋىپسىزدىكتى نى­عاي­تۋعا جانە حالىقارالىق نارىق­تا باسەكەگە قابىلەتتى بولۋعا مۇم­كىن­دىك بەرەدى. بۇل ەلىمىزدىڭ ورنىق­تى دامۋى ءۇشىن دە اسا وزەكتى.

پارلامەنت پالاتالارىنىڭ بىرلەسكەن وتىرىسىنا قاتىسىپ, پرەزيدەنت ايتقان باستامالاردان ەرەكشە سەرپىن الدىم. ەندى جاڭا ماقسات پەن جوسپار كاسىبي قىزمەتىمە دە جاڭاشا قارقىن بەرەتىنى انىق.

التىناي جاقاتاەۆا,

PhD