استانا. 18 اقپان. ەگيپەت رەسەيدەن كەلەتىن تۋريستەر تاسقىنىنىڭ تولاستاماۋىنا قاتتى مۇددەلى. سوندىقتان مۇنداعى ماگازيندەردىڭ كوپشىلىگى رەسەيلىكتەرگە وزدەرىنىڭ رۋبلىمەن ەسەپ ايىرىسۋ مۇمكىندىگى بەرىلىپ وتىر. بۇل تۋرالى «گازەتا.Ru» حابارلادى.
ەگيپەتتىڭ تۋريزم ءمينيسترى مۋحاممەد سالەم مۇنىڭ رەسەيدەن كەلەتىن تۋريستەردىڭ بۇل جەردە وزدەرىن وتە قولايلى سەزىنۋ ءۇشىن جاسالىپ جاتقانىن ايتتى. ول سونىمەن بىرگە, ەگيپەت بيلىگىنىڭ رەسەي تۋريستەرىنىڭ ۆيزا ءۇشىن تولەنەتىن تولەمنەن بوساتىلۋ مەرزىمىن سوزۋ تۋرالى ماسەلە قاراستىرىپ جاتقانىن دا حاباردار ەتتى. مۇندا رەسەي ساياحاتشىلارى قاڭتاردان ساۋىرگە دەيىن $25 كولەمىندە تولەم تولەۋدەن بوساتىلعان. الايدا, «باج كانيكۋلى» ۋاقىتى ەندى بۇكىل جاز كەزەڭىن قامتۋى ابدەن مۇمكىن. سول سياقتى ەگيپەت كۋرورتتارى ءۇشىن ساتىلاتىن بيلەتتىڭ سانىن 20 پايىزعا كوبەيتۋ جوسپارلانىپ وتىر.
«ەگيپەت بيلىگى مۇنداي قادامعا ەكى ەلدىڭ اراسىنداعى ەسەپ ايىرىسۋدى رۋبلمەن جۇرگىزۋ جونىندە رەسمي دەڭگەيدە كەلىسىم جاسالعاننان كەيىن بارىپ وتىر», - دەدى سالەم. اتاپ وتكەندەي, رەسەي مەن ەگيپەت قازىر رەسەيلىك كومپانيالاردىڭ, سونىڭ ىشىندە, تۋريستىك ۇيىمداردىڭ ەگيپەتتەگى مەيمانحانالاردا رۋبلمەن ەسەپ ايىرىسۋلارى, ال ەگيپەت جاعىنىڭ ءوز كەزەگىندە رەسەيلىك تاۋارلاردى رۋبلمەن ساتىپ الۋلارى جايىندا جۇمىس جاساپ جاتىر.
مۇرات ايتقوجا.