بۇگىن مەملەكەت باسشىسى قاسىم-جومارت توقاەۆ جىل سايىنعى جولداۋىن جاريا ەتىپ جاتىر. پرەزيدەنت جولداۋىندا جاساندى ينتەللەكتىڭ قارقىندى دامىپ كەلە جاتقانىن اتاپ ءوتىپ, ونىڭ جاستاردىڭ مىنەز-قۇلقىنا اسەر ەتىپ جاتقانىنا توقتالدى, دەپ جازادى Egemen.kz.
«بۇل ءۇردىس بۇكىل الەمدە قالىپتاسقان ءتارتىپتى جانە ادامداردىڭ ءومىر ءسۇرۋ سالتىن ءبىرجولا وزگەرتۋدە. ءبىز بۇعان دايىن بولىپ, باتىل ارەكەت ەتۋىمىز كەرەك. ايتپەسە ارتتا قالۋدىڭ سالدارى وتە اۋىر بولادى. سوندىقتان مەن الدىمىزعا وتە ماڭىزدى ستراتەگيالىق ماقسات قويدىم. قازاقستان 3 جىل ىشىندە مىندەتتى تۇردە جاپپاي تسيفرلىق ەل بولۋى كەرەك», دەدى پرەزيدەنت.
ق.توقاەۆ جي نەگىزىندە ەكونوميكانى مودەرنيزاتسيالاۋ قاجەت ەكەنىنە توقتالىپ, العاشقى قادامدى تسيفرلىق كودەكس قابىلداۋدان باستاۋعا تاپسىرما بەردى. سونداي-اق, پرەزيدەنت قازىرگى قۇزىرلى مينيسترلىك نەگىزىندە جاساندى ينتەللەكت جانە تسيفرلىق دامۋ مينيسترلىگىن قۇرۋدى ۇسىندى.
«جاڭا مينيسترلىكتى پرەمەر-ءمينيستردىڭ ورىنباسارى دەڭگەيىندەگى مامان باسقارۋ كەرەك. ۇكىمەت ەكونوميكانىڭ بارلىق سالاسىن جاڭعىرتۋ ءۇشىن جاپپاي جاساندى ينتەللەكتى ەنگىزۋ قاجەت. قازاقستاندى باسەكەگە قابىلەتتى ەل رەتىندە دامىتامىز دەسەك, جۇمىسىمىزدى جاڭاشا تاسىلمەن جۇرگىزۋىمىز كەرەك», دەدى مەملەكەت باسشىسى.