بۇگىن استانادا لوتەرەيا وپەراتورى ەمەس تۇلعا ارقىلى لوتەرەيلىك قىزمەتپەن اينالىسۋ فاكتىسى بويىنشا بلوگەر ەربولات جانابىلوۆكە قاتىستى ءىس قارالدى, دەپ جازادى Egemen.kz.
2025 جىلعى 21 تامىزدا تۋريزم جانە سپورت مينيسترلىگىنىڭ قۇمار ويىندار مەن لوتەرەيانى رەتتەۋ كوميتەتىنە ازامات س.-نىڭ ءوتىنىشى مەن قارجىلىق مونيتورينگ اگەنتتىگىنىڭ زاڭسىز لوتەرەيا وتكىزۋ فاكتىسى بويىنشا حاتتاماسى كەلىپ تۇسكەن. اتالعان لوتەرەيا Instagram الەۋمەتتىك جەلىسىندەگى «zhanabylov_e» اككاۋنتىندا وتكىزىلگەن.
استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ مالىمەتىنشە, ءىس ماتەريالدارىنا سايكەس, ءجانابىلوۆ پاراقشاسىندا جۇيەلى تۇردە اقشالاي قاراجاتتى, 10 اۆتوكولىكتى جانە وزگە دە باعالى سىيلىقتاردى ويناتقان. ويىنعا قاتىسۋ شارتتارىنىڭ ءبىرى - ءجانابىلوۆتىڭ جۇبايى باسقاراتىن «Zhana Business» جشس-ءنىڭ «وقىتۋ كۋرستارىنا» 30 000 تەڭگە تولەۋ بولعان. جەڭىمپازدار «ساتتىلىك بارابانى» قۇرىلعىسى ارقىلى كەزدەيسوق تاڭداۋ ادىسىمەن انىقتالعان, بۇل لوتەرەيا قىزمەتىنىڭ بەلگىلەرى ەكەنى انىقتالعان.
ءىستى قاراۋ بارىسىندا كوميتەت ءجانابىلوۆتى وقىتۋ كۋرستارىن ساتۋ تۇرىندەگى لوتەرەيانى زاڭسىز ۇيىمداستىرىپ, وتكىزگەنى ءۇشىن قر لوتەرەيا تۋرالى زاڭناماسىن بۇزدى دەپ تانۋدى جانە ونى اكىمشىلىك جاۋاپكەرشىلىككە تارتۋدى سۇراپ, سوتقا ءوتىنىش بىلدىرگەن.ال ءجانابىلوۆتىڭ وكىلى جەكە قاۋلى شىعارۋدى جانە اكىمشىلىك ءىستى توقتاتۋدى سۇرادى.ءىس بويىنشا كەلەسى سوت وتىرىسى 2025 جىلعى 15 قىركۇيەككە تاعايىندالدى.