اقش پرەزيدەنتى دونالد ترامپ قورعانىس مينيسترلىگىنىڭ رەسمي اتاۋىنا وزگەرىس ەنگىزۋ جونىندە شەشىم قابىلدادى. Fox News تاراتقان دەرەكتەرگە سايكەس, اق ءۇي باسشىسى پەنتاگوندى «سوعىس مينيسترلىگى» دەپ قايتا اتاۋ تۋرالى اتقارۋشى بۇيرىققا قول قويادى, دەپ حابارلايدى Egemen.kz.
قۇجاتقا ساي, «سوعىس مينيسترلىگى» اتاۋى قورعانىس مينيسترلىگىنىڭ قوسىمشا رەسمي بالاماسى رەتىندە ەنگىزىلەدى. سونداي-اق مينيسترلىك باسشىسى ءۇشىن «سوعىس ءمينيسترى» لاۋازىمى قولدانىلادى. قازىرگى تاڭدا بۇل قىزمەتتى پيت حەگسەت اتقارىپ وتىر.
The Wall Street Journal جازعانداي, اق ۇيدە بۇل باستاماعا قاتىستى زاڭنامالىق ۇسىنىستار ترامپتىڭ ەكىنشى مەرزىمىنىڭ العاشقى كۇندەرىنەن باستاپ ازىرلەنە باستاعان. ازىرگە وزگەرىستى كونگرەستىڭ ماقۇلداۋىنسىز جۇزەگە اسىرۋدىڭ ءتۇرلى جولدارى قاراستىرىلىپ جاتىر.
ترامپتىڭ پىكىرىنشە, «قورعانىس» تۇسىنىگى تىم بەيتاراپ كورىنەدى, ال «سوعىس» تەرمينى ەلدىڭ اسكەري قۋاتىن ناقتىراق بەينەلەيدى. وسىلايشا, اق ءۇيدىڭ جاڭا قادامى اقش-تىڭ كۇش كورسەتۋ ساياساتى مەن ستراتەگيالىق ۇستانىمىن ايقىن كورسەتىپ وتىر.