استانا. 18 اقپان. بۇگىن فۋتبولدان قازاقستان مەن مولدوۆا قۇراما كوماندالارى جولداستىق كەزدەسۋ وتكىزەدى. بۇل تۋرالى vesti.kz حابارلادى.
كەزدەسۋ تۇرىكتىڭ انتاليا قالاسىنداعى «ماردان» ستاديونىندا وينالادى. ماتچ استانا ۋاقىتىمەن 22:00 ساعاتتا باستالادى. اتالمىش ويىن «حابار» تەلەارناسى ارقىلى تىكەلەي ەفيردەن كورسەتىلەدى.
ەسكە سالا كەتەيىك, 2013 جىلعى اقپان ايىندا دا بۇل ەكى قۇراما ءبىر-بىىرمەن كەزدەسكەن. سول جولعى جولداستىق كەزدەسۋدە قازاقستان قۇراماسى مولدوۆانى 3:1 ەتىپ ۇتىپ ەدى. قازاقستاندىقتار ساپىنان باۋىرجان جولشيەۆ ەكى گول سالسا, ۆيكتور دميتريەنكو ءبىر گولدى ەنشىسىنە جازعان. مولدوۆاندار جاعىنان اناتولي دوروش كوزگە ءتۇستى.
بىراق بۇل جولى مامانداردىڭ ءبىرازى باسىمدىق ءبىزدىڭ قارسىلاستارىمىزدا بولاتىنىن ايتىپ وتىر. بۋكمەكەرلىك كەڭسەلەردە دە سولارعا قاراي ءباس تىگۋشىلەر كوپتەۋ كورىنەدى.
دامير قوجامقۇل.