1976 جىلدىڭ 20 ناۋرىزىندا انگليا چەمپيوناتىندا وتكەن «لەستەر سيتي» مەن «استون ۆيللا» ويىنى 2:2 ەسەبىمەن اياقتالدى. الاڭداعى بارلىق ءتورت گولدى ءبىر ويىنشى سوقتى.
«استون ۆيللانىڭ» قورعاۋشىسى كريس نيكولل ەكى مارتە قارسىلاس قاقپاسىن ءدال كوزدەسە, ەكى رەت ءوز قاقپاسىنا گول سوعىپ الدى. فۋتبولدا اۆتوگولدىڭ ءوزى سيرەك كەزدەسەدى. نيكولل ءبىر ماتچتا ەكى اۆتوگول مەن ەكى گولدى قاتار سوعىپ, ەرەكشە رەكورد ورناتتى. ويىنشى اۋەلى ءوز قاقپاسىنا سوعىپ, كەيىن ەسەپتى تەڭەستىردى, سوسىن قايتادان اۆتوگول سوقتى. سوڭىندا ءبارىن ءوزى تۇزەپ, قايتادان تەڭ ناتيجەگە جەتكىزدى. ءسويتىپ, تابلودا 2:2 ەسەبى تۇرسا دا, ماتچتىڭ ناعىز كەيىپكەرى جالعىز ويىنشى بولدى. بۇل وقيعا فۋتبولدىڭ توسىن ءارى عاجايىپ ساتتەرىنىڭ ءبىرى رەتىندە تاريحتا قالدى.