استانادا وتكەن 2026 جىلعى الەم چەمپيوناتىنا ىرىكتەۋ اياسىنداعى ماتچتا قازاقستان قۇراماسى ۋەلس كومانداسىنان 0:1 ەسەبىمەن جەڭىلدى, دەپ جازادى Egemen.kz.
كەزدەسۋ باستالعاننان-اق قوس تاراپ تا بەلسەندى ويىن كورسەتتى. قازاقستاندىق فۋتبولشىلار بىرنەشە قاۋىپتى شابۋىلدار ۇيىمداستىرعانىمەن, سوڭعى ساتتە مۇمكىندىكتى پايدالانا المادى. ال ۋەلس قۇراماسى ءبىرىنشى تايمدا ەسەپ اشىپ, سول ناتيجەنى ماتچ سوڭىنا دەيىن ساقتاپ قالدى.
بۇل جەڭىلىستەن كەيىن قازاقستان قۇراماسى تۋرنير كەستەسىندە جاعدايىن قيىنداتىپ وتىر. دەگەنمەن, باس باپكەر ويىننان كەيىن فۋتبولشىلاردىڭ جانكەشتىلىگىن اتاپ ءوتىپ, الداعى كەزدەسۋلەردە ناتيجە ءۇشىن بار كۇش سالاتىنىن ايتتى.
ۇلتتىق قۇرامانىڭ كەلەسى ويىنى 7 قىركۇيەكتە سىرت الاڭدا بەلگياعا قارسى وتەدى. بۇل ماتچ تا ىرىكتەۋدە شەشۋشى ءرول اتقارماق.