الماتى قوعامدىق قاۋىپسىزدىكتى تسيفرلاندىرۋدا كوش باستاپ, جايلى دا قاۋىپسىز ءومىر ءسۇرۋ ءۇشىن جاڭا تەحنولوگيالار ارقىلى قالا تۇرعىندارىنا بارىنشا جاعداي جاساپ وتىر. وڭىرلىك كوممۋنيكاتسيالار قىزمەتىندە الماتى قالاسى تسيفرلاندىرۋ باسقارماسى باسشىسىنىڭ مىندەتىن اتقارۋشى مەيرام دۇيسەكوۆ وسىلاي دەپ مالىمدەدى, دەپ جازادى Egemen.kz.
پرەزيدەنت قاسىم-جومارت توقاەۆ ءوز جولداۋىندا ەكونوميكا سالالارىن تسيفرلىق تۇرلەندىرۋدى تاپسىرعان بولاتىن. وسى مىندەت اياسىندا شاھار اكىمدىگى ءبىراز جوبانى ىسكە اسىرماق.
الماتى ەلىمىزدە العاش رەت بىرىڭعاي بەينەمونيتورينگ جۇيەسىن ەنگىزدى. قالادا قازىر 54 مىڭنان استام كامەرا ورناتىلعان, ونىڭ 2,2 مىڭى ادامنىڭ بەت-الپەتىن تاني الادى. جىل سوڭىنا دەيىن كامەرانىڭ سانى 70 مىڭعا جەتپەك. سونىمەن قاتار «سەرگەك» ينتەللەكتۋالدى جۇيەسى جول قاۋىپسىزدىگىن باقىلاپ كەلەدى. قازىر وسىنداي 1 641 كەشەن جۇمىس ىستەپ تۇر. سونىڭ ناتيجەسىندە جول اپاتى 20%-عا, ادام شىعىنى 40%-عا ازايعان.
«كەشەندى قاۋىپسىزدىك جۇيەسى دە ماڭىزدى ءرول اتقارادى. ونىڭ اياسىندا 215 مەكتەپ, 193 بالاباقشا مەن 64 مەديتسينالىق نىسانعا بەينەباقىلاۋ ورناتىلدى. بۇل جۇيە توتەنشە جاعداي قىزمەتىنە اۆتوماتتى تۇردە حابار بەرىپ, وقيعانى تالداۋعا مۇمكىندىك جاسايدى. قالادا قوسىمشا 32 SOS تۇيمەسى ورناتىلدى», دەدى سپيكەر.
تسيفرلىق شەشىمدەر تۇرعىن ءۇي-كوممۋنالدىق سالاعا دا ەنگىزىلگەن. ialma.kz پلاتفورماسى 40-تان استام قىزمەتتى اۆتوماتتاندىرىپ, قالا تۇرعىندارىنان 10 مىڭنان استام ءوتىنىش قابىلدادى.
الماتىنىڭ تاجىريبەسى – تسيفرلاندىرۋدىڭ ىڭعايلىلىق قانا ەمەس, سونىمەن بىرگە قالا ءومىرىنىڭ قاۋىپسىزدىگى مەن سەنىمدى ينفراقۇرىلىمىن قالىپتاستىرۋدىڭ كەپىلى ەكەنىن كورسەتىپ وتىر.