ينۆەستيتسيالىق جوبالاردىڭ يگىلىگى

بۇل ينۆەستيتسيالار ەكونوميكانى ارتاراپتاندىرۋعا, جاڭا جۇمىس ورىندارىن اشۋعا ءارى ەكسپورتتىق الەۋەت­تى كۇشەيتۋگە باعىتتالعان. بارلىق جوبا 2029 جىلعا دەيىنگى ۇلتتىق دامۋ جوسپارى اياسىندا جۇزەگە اسىرىلادى.

«بانك قىزمەتى ماكروەكو­نو­مي­كالىق كورسەتكىشتەرمەن شەكتەلمەيدى, باستى نازار وتان­داس­تارىمىزدىڭ ءومىر ساپا­سىن ارتتىرۋعا باعىتتال­عان. ءبىز جاڭا جۇمىس ورىندارىن اشۋدى, ساپالى تاۋار­لار شىعارۋدى كوزدەيمىز. ينفرا­قۇرىلىمدى دامىتقىمىز كەلەدى», دەدى قدب باسقارما توراعاسى مارات ەلىباەۆ.

وڭدەۋشى ونەركاسىپتە 14 جاڭا زاۋىت سالىنىپ جاتىر. ونىڭ ىشىندە «Qazaq Soda» زاۋىتى, «Qaragandy Power Silicon» فەرروقورىتپا زاۋىتى, «Talas Investment Company» ناتري ءتسيانيدى وندىرەتىن كاسىپورنى جانە مەتاللۋرگيا مەن ماشينا جاساۋ نىساندارى بار. سونىمەن قاتار ەنەرگەتيكا سالاسىندا 5 ءىرى جوبا جۇزەگە اسپاق. بۇل قاتارعا 3 جاڭارتىلاتىن ەنەرگيا كوزدەرى نىسانى, قۋاتى 150 مۆت بولاتىن حروم­تاۋداعى جەل ەلەكتر ستانساسى مەن الماتىداعى جەو-2 مەن جەو-3-ءتى گازعا كوشىرۋ جۇمىستارى كىرەدى.

ازىق-ت ۇلىك قاۋىپسىزدىگى ءۇشىن 4 اۋقىمدى جوبا قولعا الىنعان. تۇركىستان وبلىسىنداعى «Ecoculture-Eurasia» جىلىجاي كەشەنى مەن الماتى وبلىسىنداعى «پريما كۋس» قۇس فابريكاسى سولاردىڭ قاتارىندا.

تۋريزم مەن الەۋمەتتىك ينفراقۇرىلىمدا دا ماڭىز­دى جوبالار بار. حالىق­ارا­لىق دەڭگەيدەگى ەكى قوناق­ۇي, تاۋ-شاڭعى كەشەنى جانە كوكشە­تاۋدا 630 توسەكتىك ورىنعا ارنا­لعان كوپسالالى اۋرۋحا­نا سالىنىپ جاتىر. كولىك ينف­را­قۇرىلىمىندا رەسپۋب­ليكالىق ماڭىزى بار 5 000 كم اۆتوجول قايتا جاڭعىرتىلادى.

ء«بىزدىڭ مىندەتىمىز – جاي عانا قارجىلاندىرۋ ەمەس, ەلدىڭ ستراتەگيالىق ماقساتتارىن تۇراقتى ەكونوميكالىق قۇن­دى­لىقتارعا, ناقتى جوبا­لارعا جانە ەكسپورتتىق مۇمكىن­دىكتەرگە اينالدىرۋ. بۇل – كەلەشەك ۇرپاق ءۇشىن جاسالىپ جاتقان جۇمىس. ماسەلەن, قدب حالىقارالىق قارجى ينستيتۋتتارى مەن ەكسپورت­تىق-كرەديتتىك اگەنتتىكتەردىڭ قاراجاتىن بەلسەندى تارتىپ وتىر. بۇل وتاندىق ءونىمدى ورتا­لىق ازيادان باستاپ ەۋروپا مەن قىتايعا دەيىنگى نارىق­تارعا جەتكىزۋگە, سون-

­داي-اق ەلدىڭ جاھاندىق وندى­رىس­تىك جانە ساۋدا تىزبەكتەرىنە ينتەگراتسيالانۋىنا مۇم­كىن­دىك بەرەدى. مىسالى, 2025 جىل­دىڭ ءبىرىنشى جارتىجىلدى­عىن­دا قدب 1,7 ملرد دوللار­دان استام قاراجاتتى نارىق­تىق شارتتاردا تارتتى», دەيدى م.ەلىباەۆ.