اتىراۋ. 18 اقپان. اتىراۋدا كۇزەتشى جەڭگەتايلىعى كىنالى دەپ تانىلىپ, وعان 25 ايلىق ەسەپتىك كورسەتكىش مولشەرىندە ايىپپۇل سالىندى. بۇل تۋرالى egemen.kz ءتىلشىسى حابارلادى.
اتىراۋ قالاسىنداعى ساۋنالاردىڭ بىرىندە كۇزەتشىنىڭ كۇماندى قىزمەت اتقارىپ جۇرگەندىگى تۋرالى جەدەل اقپارات پوليتسيا قىزمەتكەرلەرىنە جەتىپ, نازارعا ىلىگىپتى. دالىرەك ايتقاندا, كۇزەتشىنىڭ جەزوكشەلىكپەن اينالىساتىن قىزدارعا «قامقورلىق» قىزمەتى ءۇشىن اقشالاي سىياقى العاندىعى انىقتالدى. قۋ قۇلقىننىڭ قامىمەن زاڭسىز ارەكەتكە بارعان كۇزەتشىنىڭ ۇستىنەن قوزعالعان قىلمىستىق ءىس سوتقا جولداندى.
«سوت تەرگەۋى بارىسىندا انىقتالعانداي, سوتتالۋشى ا. مياگكوۆ ساۋناسى بار سەرىكتەستىكتەردىڭ بىرىندە جۇمىس جاساي ءجۇرىپ, جەڭگەتايلىقپەن اينالىسقان. باستىعى-گاريفۋلليننىڭ جەڭىل جۇرىستەگى قىزداردىڭ ساۋناعا كىرىپ-شىعۋىنان اقشا الۋىنا كەلىسىمىن بەرگەندىگىن پايدالانۋدى كوزدەگەن. ءسويتىپ, 2014 جىلدىڭ 18 قىركۇيەگىندە ساۋناعا ءجيى كەلەتىن ت.تۋراكباەۆتىڭ سۇراۋىمەن ۇيالى تەلەفونى ارقىلى جەزوكشەلىك قىزمەت كورسەتەتىن ك.بولەكباەۆاعا حابارلاسىپ, شاقىرتادى. بولەكباەۆا ساۋناعا وزىمەن بىرگە قۇربىسى ك.باتابەكتى دە ىلەستىرىپ كەلەدى. ەكى قىزدى كورگەن تۋراكباەۆ بولەكباەۆامەن كوڭىل كوتەرۋدى قالايدى. ءبىراز ۋاقىت وتكەن سوڭ بولەكباەۆا بولمەدەن شىعىپ, بار تىرەۋىنىڭ ۇستىنە مياگكوۆقا دەپ 3000 تەڭگە كولەمىندە اقشا قويىپ كەتەدى. سونىڭ 1000 تەڭگەسىن مياگكوۆ سىياقى رەتىندە وزىنە الىپ, ياعني, پايداكۇنەمدىك ماقساتتاعى جەڭگەتايلىق ارەكەتىن ورىندايدى», دەپ حابارلادى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ.
اتىراۋ قالاسىنىڭ №2 سوتىمەن قىلمىستىق كودەكستىڭ 271-بابىنىڭ 1-بولىگىمەن سوتتالۋشى (جەزوكشەلiكپەن اينالىسۋعا ارنالعان پريتوندار ۇيىمداستىرۋ نەمەسە ۇستاۋ, سول سياقتى پايداكۇنەمدiك ماقساتتاعى جەڭگەتايلىق) كىنالى دەپ تانىلدى. سوت جازا تاعايىنىداۋ بارىسىندا سوتتالۋشىنىڭ جەكە باسىنىڭ جاعدايىن, وتباسىنىڭ جالعىز اسىراۋشىسى ەكەنىن, جاساعان ءىس-ارەكەتىن مويىنداپ, وعان وكىنەتىندىگىن, بۇرىن سوتتالماعاندىعىن ەسكەردى. ءسويتىپ, وعان قىلمىستىق كودەكستىڭ 55-بابىن قولدانۋ ارقىلى نەعۇرلىم جەڭىلىرەك جازا تاعايىنداپ, 25 ايلىق ەسەپتىك كورسەتكىش مولشەرىندە (49550 تەڭگە) ايىپپۇل سالدى.
جولداسبەك شوپەعۇل.
دەرەك: اتىراۋ وبلىستىق سوتىنىڭ ءباسپاسوز قىزمەتى.
سۋرەت: راحىم قويلىباەۆ.