بۇگىنگى تاڭدا ءداندى داقىلداردىڭ 4,2 ملن گەكتارى جينالىپ, بۇل جالپى ەگىس القابىنىڭ 26 پايىزىن قۇرايدى. جالپى 5,9 ملن توننا استىق باستىرىلدى, دەپ جازادى Egemen.kz.
ءداندى داقىلداردان بولەك, ەلىمىزدەگى اۋىل شارۋاشىلىعى وندىرۋشىلەرى 112,8 مىڭ توننا مايلى داقىل, 684,2 مىڭ توننا كارتوپ (گەكتارىنا 241,5 تسەنتنەر), 1,9 ميلليون توننا كوكونىس (286,8 تس/گا) جانە 2 ميلليون توننادان استام باقشا ءونىمىن (272,6 تس/گا) جينادى.
كوكونىس تۇرلەرىنىڭ ىشىندە 340,4 مىڭ توننا قىرىققابات (374,8 تس/گا), 326,9 مىڭ توننا پياز (394,2 تس/گا) جانە 115,7 مىڭ توننا ءسابىز (302,9 تس/گا) قامباعا قۇيىلدى.
اۋىل شارۋاشىلىعى مينيسترلىگىنىڭ مالىمەتىنشە, ەگىن جيناۋ ناۋقانى بەلگىلەنگەن مەرزىمدە, اگروتەحنيكالىق تالاپتارعا ساي ۇيىمداستىرىلىپ جاتىر.