كاسىپكەرلەرگە اقشانى قولما-قول اقشاعا اينالدىرۋ قيىنىراق بولادى

قۇجاتقا سايكەس, ەگەر قولما-قول اقشا سوماسى كۇنتىزبەلىك اي ىشىندە 10 ملن تەڭگەدەن اساتىن بولسا, وندا مالىمەتتەردى سالىق ورگاندارىنا بەرۋگە كەلىسىم بەرۋى قاجەت.

ترانزاكتسياعا ءاربىر وسىنداي ءوتىنىم كەزىندە بانك فيسكالدىق قۇرىلىمدارعا تاۋەكەلدەردى باعالاۋ ءۇشىن اقپاراتتى جىبەرۋى ءتيىس, ول ءۇش كۇن ىشىندە قارالادى.

جاڭا ەرەجەلەر 2026 جىلدىڭ 1 قاڭتارىنان باستاپ كۇشىنە ەنەدى.

جوبا «اشىق نقا» سايتىندا اعىمداعى جىلدىڭ 12 قىركۇيەگىنە دەيىن جاريا تالقىلاۋدا.

تۇسىندىرمە انىقتامانىڭ وزىندە جوبانىڭ ماقساتى - جاڭا سالىق كودەكسىن قابىلداۋدى, مالىمەتتەردى ۇسىنۋ نىسانىن, سونداي-اق كاسىپكەرلىك سۋبەكتىلەرىنەن الىنعان قولما-قول اقشانى تاعايىنداۋ تۋرالى اقپاراتتى قامتيتىن قوسىمشانى ەسكەرە وتىرىپ, قۇجاتتاعى قولدانىستاعى نورمالاردى وزەكتەندىرۋ ەكەندىگى ايتىلعان.

ەسكە سالايىق, قازىر بيزنەستى قولما-قول اقشاعا اينالدىرۋ ءۇشىن شەكتى سوما مولشەرى كۇنتىزبەلىك اي ىشىندە:

1) شاعىن كاسىپكەرلىك ءۇشىن - 20 ملن تەڭگە;

2) ورتا كاسىپكەرلىك ءۇشىن - 120 ملن تەڭگە;

3) ءىرى كاسىپكەرلىك ءۇشىن - 150 ملن. تەڭگە.