جۋىردا ەتسق الۋ جۇيەسى تولىق ونلاينعا كوشكەن ەدى. بىراق كوپشىلىك بيومەتريادان ءوتۋ كەزىندە قينالىپ جاتىر. وسىعان بايلانىستى ۇلتتىق كۋالاندىرۋشى ورتالىعى (ۇكو) تۇسىندىرمە جاساپ, بىرنەشە كەڭەس بەردى, دەپ جازادى Egemen.kz.
ۇكو-نىڭ ايتۋىنشا, باستىسى دۇرىس جاعداي جاساۋ. بىرىنشىدەن, جارىق جاقسى بولۋى كەرەك. تەرەزەنىڭ قاسىنا وتىرساڭىز نەمەسە بەتىڭىزدى تولىق كورسەتەتىن شام جاقساڭىز, جۇيە ءسىزدى وڭاي تانيدى. ال ەگەر جارىق ارتىڭىزدا بولسا, كامەرا بەت-ءجۇزدى انىق كورمەي قالۋى مۇمكىن.
ەكىنشىدەن, كامەرانى دۇرىس قويىڭىز. ول تىم جوعارى نە تومەن ەمەس, تۋرا كوزىڭىزدىڭ دەڭگەيىندە تۇرۋى كەرەك. سوندا كولەڭكە تۇسپەيدى, جۇيە قاتە تانىمايدى.
تاعى ءبىر ماڭىزدى نارسە – قۇرىلعىنى تاڭداۋ. كومپيۋتەرمەن كىرگەندە الدىمەن QR-كود شىعادى. سول كودتى تەلەفون ارقىلى سكانەرلەپ, بيومەتريادان سمارتفونمەن وتكەن الدەقايدا جىلدام ءارى تۇراقتى بولادى.
ۇكو ەسكەرتكەن تاعى ءبىر جايت – ەگەر ونلاين بيومەتريادان ناتيجە شىقپاسا, وندا ەڭ جاقىن حقكو-عا بارىپ وتۋگە بولادى. نەمەسە digital-id.freshdesk.com سايتىنا كىرىپ, تەحنيكالىق قولداۋ قىزمەتىنە جۇگىنۋگە مۇمكىندىك بار.