ۇلتتىق ەكونوميكا ۆيتسە-ءمينيسترى باۋىرجان وماربەكوۆتىڭ ايتۋىنشا, جەرگىلىكتى ءوزىن-ءوزى باسقارۋدى دامىتۋعا ەرەكشە كوڭىل بولىنەدى, دەپ حابارلايدى Egemen.kz ۇكىمەتتىڭ مالىمەتىنە سىلتەمە جاساپ.
سوڭعى جىلدارى اۋىلدىق وكرۋگتەردىڭ ءوز تابىستارى 3,5 ەسەگە وسكەن. بۇل ديناميكا قوسىمشا سالىقتار مەن تولەمدەردى بەرۋ ارقىلى كۇشەيتىلەدى.
«بۇدان بولەك, 2023 جىلدان باستاپ اۋداندار مەن وبلىستىق ماڭىزى بار قالالار اكىمدەرىن تىكەلەي سايلاۋ تاجىريبەسى ەنگىزىلدى. پيلوتتىق رەجيمدە العاش رەت 46 اۋدان جانە 3 وبلىستىق ماڭىزى بار قالا اكىمدەرىنىڭ سايلاۋى ءوتتى», دەدى ب.وماربەكوۆ.